ەسكى كولىك سالىعى 50 پايىزعا تومەندەيدى - جاڭا سالىق كودەكسى جوباسى

استانا. KAZINFORM - جاڭا سالىق كودەكسىندە ب ج ز ق- دان جاسالاتىن زەينەتاقى تولەمدەرىن جەكە تابىس سالىعىنان بوساتۋ جونىندەگى نورما كوزدەلگەن. بۇل تۋرالى ق ر ۇ ە م سالىق جانە كەدەن ساياساتى دەپارتامەنتىنىڭ ديرەكتورى ەرلان ساعىنايەۆ مالىمدەدى.

«مەملەكەت باسشىسىنىڭ تاپسىرمالارىن ورىنداۋمەن قاتار، قوعام ءجيى كوتەرەتىن ماسەلەلەر شەشىلەدى. ماسەلەن، جاڭا سالىق كودەكسىندە ب ج ز ق- دان زەينەتاقى تولەمدەرىن جەكە تابىس سالىعىنان بوساتۋ جونىندەگى نورما كوزدەلگەن. سونداي-اق قولدانۋى 10 جىلدان اسقان اۆتوموبيلدەر ءۇشىن سالىق سوماسى 0- عا، 20 جىلدان اسقان اۆتوموبيلدەر ءۇشىن - P- عا تومەندەتىلەتىن بولادى»، - دەدى دەپارتامەنت باسشىسى ۇلتتىق كاسىپكەرلەر پالاتاسىنىڭ جيىنىندا.

سونىمەن قاتار «ءسان-سالتانات» زاتتارىنا جوعارى سالىق سالۋ جونىندەگى مىندەتتەردى ىسكە اسىرۋ ءۇشىن دە ۇسىنىستار قاراستىرىلعان.

«جيىنتىق قۇنى 450 ميلليون تەڭگەدەن اساتىن جىلجىمايتىن مۇلىك وبەكتىلەرى بويىنشا مۇلىك سالىعىنىڭ جوعارى مولشەرلەمەسىن بەلگىلەۋ؛ كەدەندىك قۇنى 75 ميلليون تەڭگەدەن اساتىن جەڭىل اۆتوموبيلدەرگە اكسيزبەن قوسىمشا سالىق سالۋ؛ قىمبات الكوگول جانە تەمەكى ونىمدەرىنە، قىمبات تەڭىز كەمەلەرىنە، ۇشۋ اپپاراتتارىنا اكسيزبەن قوسىمشا سالىق سالۋ ۇسىنىستارى ەنگىزىلگەن»، - دەدى جاڭا سالىق كودەكسىنىڭ جوباسى جايلى ايتقان ەرلان ساعىنايەۆ.

ەسكە سالا كەتەيىك، بۇگىن استانادا ۇلتتىق كاسىپكەرلەر پالاتاسىنىڭ جيىنى ءوتتى. وندا بۇكىل ءوڭىردىڭ جانە 200-دەي بيزنەس قاۋىمداستىقتىڭ اتىنان 400 وكىل قاتىستى. جيىندا كەيىنگى بىرنەشە ايدا كاسىپكەرلەردەن كەلىپ تۇسكەن سۇراقتار تالقىلاندى.

بۇعان دەيىن جاڭا سالىق كودەكسىندە تولەمدەر سانىن 77-گە ازايتىپ، 6 الىم ءتۇرىن قىسقارتۋ قاراستىرىلعانىن جازعان ەدىك.

سونداي-اق جاڭا سالىق كودەكسىندە ينۆەستيتسيالار ءۇشىن «امبەباپ» ىنتالاندىرۋ تەتىگى قاراستىرىلعانى حابارلانعان.

اۆتور

ابىلايحان جۇماشيەۆ