ەسەك قالاي دەموكراتتاردىڭ سيمۆولىنا اينالدى؟

استانا. قازاقپارات - ەسەك پەن ءپىل ا ق ش-تاعى باقتالاس دەموكراتيالىق پارتيا مەن رەسپۋبليكالىق پارتيانىڭ سيمۆولى ەكەنى بەلگىلى. ەسەك قالاي دەموكراتتاردىڭ سيمۆولى بولىپ شىعا كەلدى؟

1828-جىلى دەموكراتييالىق پارتيا اتىنان پرەزيدەنتتىك سايلاۋعا تۇسكەن ەندريۋ دجەكسوننىڭ قارسىلاستارى فاميلياسىن («ەسەك» دەگەن ءسوز اعىلشىن تىلىندە jackass دەگەندى بىلدىرەدى) كەلەكە ەتىپ، ونىڭ سۋرەتتەرىن اقىماق ەسەك قىلىپ سالىپ، كاريكاتۋراعا اينالدىردى. الايدا ە.دجەكسوننىڭ شاشباۋىن كوتەرگەن دەموكراتيالىق پارتيا بۇل سايقىمازاق تەڭەۋدى ءوز پايداسىنا اسىرا ءبىلىپ، وزدەرىنىڭ ۇگىت-ءناسيحات ماتەريالدارىندا ەسەكتىڭ ەڭبەكسۇيگىشتىگىن، قاراپايىمدىعىن، شارشامايتىن قايراتتىلىعىنا نازار اۋدارتىپ، امەريكالىقتاردى باۋراي ءبىلدى.

دەموكراتيالىق پارتيا جەتەكشىلەرى مارتين ۆان بۋرەن مەن دجەكسوننىڭ وسىنداي تاپقىرلىعى ارقاسىندا ە.دجەكسون ا ق ش-تىڭ 7- پرەزيدەنتى اتاندى. 1870 - جىلى كاريكاتۋراشى توماس ناست رەسپۋبليكالىق پارتيانى پىلگە تەڭەپ سۋرەت سالۋ ارقىلى دەموكراتتاردىڭ ەسەك تۇرىندە سيمۆولى بۇرىنعىدان تانىمال بولا ءتۇستى. سودان بەرى قوس پارتيانىڭ رەسمي بەكىتىلمەگەن «ەسەك» پەن «ءپىل» سيمۆولى امەريكالىقتاردىڭ ساناسىندا بەرىك ورنىقتى.