وعان بورتتاعى جۇيەلەردىڭ بىرىندە ەسكەرتۋ ينديكاتورىنىڭ ىسكە قوسىلۋى سەبەپ بولعان، دەپ حابارلايدى kznews.kz.
اۋە كومپانياسىنىڭ مالىمەتىنشە، ۇشۋ بارىسىندا بورتتىق جۇيەلەردىڭ بىرىندە ەسكەرتۋ بەلگىسى پايدا بولعان. وسىدان كەيىن ەكيپاج قاۋىپسىزدىك ماقساتىندا ۇشاقتى استاناداعى بازالىق اۋەجايعا قوندىرۋ تۋرالى شەشىم قابىلداعان.
SCAT وكىلدەرى ۇشاقتىڭ شتاتتىق رەجيمدە، ەشقانداي وقىس وقيعاسىز قونعانىن مالىمدەدى.
الايدا جولاۋشىلاردىڭ ءبىرى الەۋمەتتىك جەلىدە اۋە كومپانياسىنىڭ قىزمەت كورسەتۋ ساپاسىنا شاعىمدانعان. ونىڭ ايتۋىنشا، استاناعا قونعاننان كەيىن جولاۋشىلارعا ۇزاق ۋاقىت بويى ناقتى اقپارات بەرىلمەگەن. سونداي-اق ادامدارعا ۋاقىتىلى سۋ مەن تاماق ۇسىنىلماعان.
جولاۋشىنىڭ سوزىنشە، سالقىن سۋسىندار تەك ادامدار نارازىلىق بىلدىرگەننەن كەيىن عانا تاراتىلعان.
ال SCAT اۋە كومپانياسى جولاۋشىلاردى الماتىعا جەتكىزۋ ءۇشىن رەزەرۆتىك ۇشاق بولىنگەنىن حابارلادى. كومپانيا وكىلدەرىنىڭ مالىمدەۋىنشە، كۇتۋ كەزىندە جولاۋشىلار سالقىن سۋسىندارمەن قامتاماسىز ەتىلگەن.
وسىلايشا، اۋە كومپانياسى مەن جولاۋشىنىڭ كۇتۋ كەزىندەگى قىزمەت كورسەتۋگە قاتىستى مالىمدەمەلەرى ءبىر-بىرىنەن الشاق بولىپ وتىر.
ۇشاقتاعى ەسكەرتۋ ينديكاتورىنىڭ ناقتى قانداي سەبەپپەن ىسكە قوسىلعانى ازىرگە ناقتىلانبادى.