استانا. KAZINFORM - قىرعىزستان پرەزيدەنتى سادىر جاپاروۆ الداعى پرەزيدەنت سايلاۋىنا قاتىسۋ ءۇشىن سايلاۋ جانە رەفەرەندۋمدار جونىندەگى ورتالىق كوميسسياعا رەسمي تۇردە ءوتىنىش بەردى، دەپ حابارلايدى Kazinform اگەنتتىگىنىڭ بىشكەكتەگى مەنشىكتى ءتىلشىسى.
جاپاروۆ سايلاۋعا ءوزىن-ءوزى ۇسىنعان كانديدات رەتىندە تىركەلدى.
2026-جىلدىڭ 10-قاراشاسىنداعى جاعداي بويىنشا ورتالىق كوميسسياعا پرەزيدەنتتىككە ۇمىتكەرلەردەن التى ءوتىنىش كەلىپ تۇسكەن. وتىنىشتەر 2026-جىلدىڭ 13-قاراشاسىنا دەيىن قابىلدانادى.
بۇعان دەيىن جاپاروۆ الداعى پرەزيدەنت سايلاۋىندا مىقتى قارسىلاس شىعاتىنىنا سەنىم بىلدىرگەن بولاتىن.
قىرعىزستانداعى كەلەسى پرەزيدەنت سايلاۋى 2027-جىلدىڭ 27-قاڭتارىنا جوسپارلانعان.
قىرعىزستان ورتالىق سايلاۋ كوميسسياسىنىڭ دەرەگىنشە، پرەزيدەنت سايلاۋىنا بارلىعى 1,2 ميلليارد سوم (شامامەن 6,06 ميلليارد تەڭگە) جۇمسالماق.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.