ساياساتقا قاتىسى جوق: س ءى م كوكپارداعى داۋعا قاتىستى تۇسىنىك بەردى

استانا. KAZINFORM - قىركۇيەكتە ەلىمىزدە وتكەن دۇنيەجۇزىلىك كوشپەندىلەر ويىندارى بارىسىندا كوكپاردان قازاقستان قۇراماسى جەڭىمپاز اتاندى، ەكىنشى ورىنعا قىرعىزدار تۇراقتادى.

 ويىن بارىسىندا ەكى جاق اراسىندا كەلەڭسىزدىك تۋىنداپ، بۇل ماسەلە اسىرەسە جەلىدە كەڭىنەن تالقىلاندى. وسى ورايدا سىرتقى ىستەر مينيسترلىگىنەن اتالعان فاكتىنىڭ ەكى ەل اراسىنا سىزات تۇسىرمەدى مە، - دەپ سۇراعان ەدىك.

«قىرعىزستان - بىزگە باۋىر ەل. جارىس بويىنشا قانداي دا ءبىر تۇسىنىسپەۋشىلىك تۋىنداسا، ول تەك سپورتقا قاتىستى، ساياساتقا قاتىسى جوق. قازاقستان مەن قىرعىزستاننىڭ ديپلوماتيالىق قارىم-قاتىناسىنا اسەر ەتپەيدى. ءبىز عاسىرلار بويى كورشى ەلدەرمىز، سولاي بولىپ قالامىز»، - دەدى ۆەدومستۆونىڭ رەسمي وكىلى ايبەك سمادياروۆ ب ا ق وكىلدەرىنىڭ ساۋالىنا.

رەسمي وكىلدىڭ پىكىرىنشە، قىرعىزدار ەموتسياعا بەرىلدى، ونىڭ ابەستىگى جوق.

ەسكە سالا كەتسەك، ۇلتتىق قاۋىپسىزدىك كوميتەتى كوشپەندىلەر ويىندارىندا قىرعىزستان قۇراماسىنىڭ كوكپارشىسىنا ۇ ق ك قىزمەتكەرى قىسىم كورسەتكەنىن جوققا شىعارعان ەدى.

«ۇ ق ك قىزمەتكەرلەرى 5- دۇنيەجۇزىلىك كوشپەندىلەر ويىندارىن وتكىزۋ بارىسىندا قوعامدىق ءتارتىپتى قامتاماسىز ەتۋگە قاتىسقان جوق»، - دەلىنگەن حابارلامادا.

اۆتور

داۋلەت ىزتىلەۋ