ساتبايەۆ قالاسىندا ءبىر توپ جاس ءوسپىرىم توبەلەسىپ قالعان

ال اتا-انالارى بالا تاربيەلەۋدە ءوز مىندەتتەرىن تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلدى.

20-تامىز كۇنى ساتبايەۆ قالاسىندا كامەلەتكە تولماعانداردىڭ قاتىسۋىمەن جانجال بولدى.

وبلىستىق پ د ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى وقيعانىڭ بارلىق قاتىسۋشىلارىن جەدەل انىقتادى.

وقيعا كەزىندە 16 جاستاعى جاس ءوسپىرىم 16 جانە 17 جاستاعى ەكى بالانى پىشاقپەن جاراقاتتاعان. قازىر ول ۋاقىتشا ۇستاۋ يزولياتورىنا قاماۋعا الىندى.

وسى فاكتى بويىنشا قىلمىستىق ءىس قوزعالدى، تەرگەۋ جۇرگىزىلۋدە.

سونىمەن قاتار، جانجالعا قاتىسقان جاسوسپىرىمدەردىڭ اتا-انالارى بالا تاربيەلەۋدە ءوز مىندەتتەرىن تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلدى.