ساتپايەۆ قالاسىنىڭ ورتالىق كوشەسىندە جول ەرەجەسىن ورەسكەل بۇزعاندار جازالاندى

ساتپايەۆ. KAZINFORM - ءتارتىپ ساقشىلارى الەۋمەتتىك جەلىدە مونيتورينگ جۇرگىزۋ بارىسىندا ساتبايەۆ قالاسىنىڭ ورتالىق كوشەسىندە جول ەرەجەسىن ورەسكەل بۇزعاندار تۋرالى بەينەجازبانى انىقتادى.

ۆيدەودان ورتالىق كوشەدە تۇنگى ساعات 4:00 شاماسىندا BMW جانە Mercedes اۆتوكولىك يەلەرىنىڭ جول ەرەجەسىن ورەسكەل بۇزعانىن كورۋگە بولادى. ولار جول ەرەجەسىن ساقتاماي، اۆاريالىق جاعداي تۋعىزعان.

پوليتسيا قىزمەتكەرلەرى ساتبايەۆ قالاسىنىڭ 20-25 جاستاعى ەكى تۇرعىنىن تاۋىپ، اكىمشىلىك جاۋاپقا تارتتى. كولىكتەر ايىپتۇراققا قويىلدى.

اۆتوكولىك جۇرگىزۋشىلەرىنە جول ەرەجەسىن ورەسكەل بۇزعانى جانە جولدا اۆاريالىق جاعداي تۋعىزعانى ءۇشىن اكىمشىلىك حاتتاما تولتىرىلىپ، ءىس سوتقا جولداندى.