سارسەن قۇرانبەك تاعى ءبىر قىزمەتكە تاعايىندالدى

شىمكەنت. KAZINFORM - ول ءارى قالا اكىمىنىڭ ورىنباسارى قىزمەتىن قوسا اتقارادى.

شىمكەنت قالاسى اكىمدىگىنىڭ باسپا ءسوز قىزمەتى تاراتقان اقپاراتقا سۇيەنسەك، الداعى ۋاقىتتا قالا اكىمدىگىندە اپتا سايىن بۇقارالىق اقپارات قۇرالدارىنىڭ قاتىسۋىمەن بريفينگ وتكىزىلىپ، مەگاپوليستىڭ دامۋىنا قاتىستى وزەكتى ماسەلەلەر تالقىلاناتىن بولادى. وندا باستى بايانداماشى ءرولى سارسەن قۇرانبەككە جۇكتەلىپ وتىر.

العاشقى بريفينگ 5-ناۋرىز، سارسەنبى كۇنى ساعات 11:00-دە «كورمە» كورمە ورتالىعىنداعى ۇيىمداستىرىلماق. وعان قاتىسۋ ءۇشىن ب ا ق وكىلدەرى قالالىق ىشكى ساياسات باسقارماسىنان اككرەديتاتسيادان ءوتۋى ءتيىس.

سارسەن اباي ۇلى 1976 -جىلى الماتى وبلىسى كەربۇلاق اۋدانى قىزىلجار اۋىلىندا تۋعان.

ءال-فارابي اتىنداعى قازاق ۇلتتىق مەملەكەتتىك ۋنيۆەرسيتەتىن بىتىرگەن. سونداي-اق قازاقتىڭ سپورت جانە تۋريزم اكادەمياسى مەن «قازتۇتىنۋ» وداعى قاراعاندى ەكونوميكالىق ۋنيۆەرسيتەتىنىڭ تۇلەگى. ماماندىعى - فيلوسوفيا، دەنە شىنىقتىرۋ مادەنيەتىنىڭ وقىتۋشىسى، كاراتە جاتتىقتىرۋشىسى، قۇقىقتانۋشى.

سارسەن اباي ۇلى ەڭبەك جولىن 1995 -جىلى الماتى قالاسىنداعى «№4-وليمپيادالىق رەزەرۆتەگى مامانداندىرىلعان بالالار- جاسوسپىرىمدەر مەكتەبى» مەملەكەتتىك كوممۋنالدىق قازىنالىق كاسىپورنىنىڭ جاتتىقتىرۋشى-وقىتۋشىسى بولىپ باستادى.

2003- 2023 -جىلدار ارالىعىندا جەكە سەكتوردا جانە ورتالىق مەملەكەتتىك ورگانداردا جاۋاپتى باسشىلىق قىزمەتتەر اتقاردى.

2023 -جىلدىڭ اقپان ايىنان باستاپ 8-قاراشاعا دەيىن مادەنيەت جانە سپورت ۆيتسە-ءمينيسترى لاۋازىمىندا ەڭبەك ەتتى.

2023 -جىلدىڭ 8-قاراشاسىنان باستاپ شىمكەنت قالاسى اكىمىنىڭ ورىنباسارى قىزمەتىنە تاعايىندالدى.

بۇعان دەيىن ايبەك سمادياروۆ قازاقستان س ءى م حالىقارالىق اقپارات كوميتەتىنىڭ ءتوراعاسى - رەسمي وكىلى بولىپ تاعايىندالعانىن جازدىق.

اۆتور

قايرات زاينيشەۆ