ساراپشىلار 2021-2024-جىلدار ارالىعىنداعى زاماناۋي اۆتوموبيلدەر قاتىسقان ادام ولىمىمەن اياقتالعان جول اپاتتارىنىڭ دەرەكتەرىن تالداعان.
Kia Rio كوش باستادى
زەرتتەۋ ناتيجەسىنە سايكەس، ءولىم-ءجىتىم كورسەتكىشى جوعارى كولىكتەردىڭ قاتارىندا شاعىن مودەلدەر مەن قۋاتتى سپورتتىق اۆتوموبيلدەر بار.
جۇرگىزۋشىلەر ءولىمى بويىنشا ەڭ جوعارى كورسەتكىش Kia Rio كولىگىندە تىركەلگەن. زەرتتەۋ كەزەڭىندە جىل سايىن 1 ميلليون تىركەلگەن كولىككە شاققاندا 170 جۇرگىزۋشى قازا بولعان.
انتيرەيتينگتىڭ العاشقى وندىعىنا مىنا مودەلدەر ەندى:
Kia Rio - 170 قازا بولعان جۇرگىزۋشى؛
Chrysler 300 - 132؛
Dodge Challenger Hemi - 127؛
Dodge Challenger - 125؛
Kia Forte - 120؛
Nissan Altima - 105؛
Chevrolet Camaro - 88؛
Chevrolet Corvette - 82.
IIHS پرەزيدەنتى دەۆيد حاركيدىڭ ايتۋىنشا، اۆتوموبيلدەردىڭ ءارتۇرلى ساناتتارىنداعى جوعارى ءولىم كورسەتكىشىنىڭ سەبەپتەرى دە ءارتۇرلى.
شاعىن كولىكتەر ءىرى پيكاپتارمەن نەمەسە جول تالعامايتىن كولىكتەرمەن سوقتىعىسقان كەزدە وسال بولۋى مۇمكىن. ال سپورتتىق اۆتوموبيلدەردەگى كورسەتكىشكە ولاردىڭ قوزعالتقىش قۋاتى مەن جۇرگىزۋ ەرەكشەلىكتەرى اسەر ەتەدى.
باسقا كولىك جۇرگىزۋشىلەرىنە قاۋىپ توندىرەتىن مودەلدەر
زەرتتەۋ بارىسىندا اۆتوموبيلدىڭ ءوز جۇرگىزۋشىسىنە عانا ەمەس، جول قوزعالىسىنىڭ باسقا قاتىسۋشىلارىنا توندىرەتىن قاۋپى دە قاراستىرىلعان.
بۇل كورسەتكىش بويىنشا ءبىرىنشى ورىنعا Ram 3500 Crew Cab شىققان. ءبىر ميلليون تىركەلگەن كولىككە جىلىنا باسقا اۆتوموبيلدەردىڭ 204 جۇرگىزۋشىسىنىڭ قازاسى سايكەس كەلەدى. سونداي-اق بۇل تىزىمگە Chevrolet Silverado 3500 ،Dodge Charger جانە Chevrolet Camaro كىرگەن. زەرتتەۋدەگى ەڭ قاۋىپتى 20 مودەلدىڭ جارتىسىن تولىق ولشەمدى پيكاپتار قۇراعان.
كەيبىر مودەلدەردە جۇرگىزۋشىلەر ءولىمى تىركەلمەگەن
سونىمەن قاتار IIHS جۇرگىزۋشىلەردى جاقسى قورعايتىن اۆتوموبيلدەردى دە انىقتاعان. زەرتتەۋ كەزەڭىندە التى مودەل بويىنشا جۇرگىزۋشىلەر ولىمىنە قاتىستى بىردە-ءبىر جاعداي تىركەلمەگەن. ولاردىڭ قاتارىندا:
Audi Q7؛
BMW X7؛
Chevrolet Tahoە؛
Mercedes-Benz GLB- Class؛
Toyota Tundra جانە تاعى ءبىر مودەل بار.
زەرتتەۋشىلەر جۇرگىزۋشىلەر ءولىمىنىڭ ەڭ تومەن كورسەتكىشى بار اۆتوموبيلدەردىڭ باسىم بولىگى ءىرى جول تالعامايتىن كولىكتەر مەن پرەميۋم سەگمەنتكە جاتاتىنىن اتاپ ءوتتى.
ستاتيستيكاعا كولىكتەن بولەك فاكتورلار دا اسەر ەتەدى
IIHS ماماندارى جول اپاتتارىنداعى ءولىم كورسەتكىشىن تەك اۆتوموبيلدىڭ كونسترۋكتسياسىمەن بايلانىستىرۋعا بولمايتىنىن ەسكەرتەدى.
ستاتيستيكاعا جۇرگىزۋشىلەردىڭ جاسى مەن تاجىريبەسى، كولىكتىڭ قانشالىقتى جيى پايدالانىلاتىنى، يەلەرىنىڭ تابىس دەڭگەيى جانە جۇرگىزۋ مانەرى سياقتى فاكتورلار دا ىقپال ەتەدى.
سوندىقتان زەرتتەۋ بەلگىلى ءبىر اۆتوموبيلدى ابسوليۋتتى تۇردە «قاۋىپتى» نەمەسە «قاۋىپسىز» دەپ باعالاۋدان گورى، ءار مودەل بويىنشا ادام ولىمىنە قاتىستى ستاتيستيكالىق كورسەتكىشتەردى سالىستىرۋعا مۇمكىندىك بەرەدى.