ساراپشىلار: 2025 -جىلى الەمدە مۇناي تاپشى بولادى

استانا. قازاقپارات - دوللاردىڭ ارزانداپ-قىمباتاتۋى، تەڭگەنىڭ تۇراقتىلىعى ەكىباستان مۇنايعا بايلانىستى. قازىر الەم وسى مۇناي ءۇشىن ارباسىپ، مۇناي ارقىلى ساۋداسىن قىزدىرىپ وتىر، دەپ حابارلايدى 24kz.

دەگەنمەن، ونىڭ كەلەشەگى قالاي بولماق؟ جاھان وعان تاۋەلدى بولماۋدىڭ جولدارىن ىزدەپ ارەكەت قىلىپ جاتىر. باسقا تۇرماق ساۋد ارابياسى دا ساقتانىپ، مۇنايعا تاۋەلدىلىگىن ازايتپاق. ول ءۇشىن وزگە سەكتورلارعا كوبىرەك اقشا قۇيىپ، 2030 -جىلعا دەيىن ينۆەستيتسيا كولەمىن 1 تريلليون دوللارعا جەتكىزۋگە نيەتتى.

ءيا، قازىردە مۇنايدىڭ باعاسى سايكەسىنشە، دوللاردىڭ قۇنى قۇبىلىپ تۇر. كەلەر جىلى الەمدى جاپپاي مۇناي تاپشىلىعى كۇتىپ تۇر. Occidental Petroleum كومپانياسىنىڭ باسشىسى ۆيكي حوللۋبتىڭ پىكىرىنە سۇيەنسەك، مۇنايعا الەمدىك سۇرانىستىڭ ءوسۋ قارقىنى وتە جوعارى. ونىڭ ايتۋىنشا، 20- عاسىردا مۇناي كومپانيالارى جاھاندىق سۇرانىستىڭ وسۋىنەن شامامەن بەس ەسە كوپ قارا التىن وندىرگەن. ال، جىلدان جىلعا مۇناي قورى دا، ونى ءوندىرۋ مولشەرى دە ازايىپ كەلەدى. كەرىسىنشە وعان سۇرانىس الەم بويىنشا تاۋلىگىنە 1,5 ميلليون باررەلگە ارتىپ وتىر. ساراپشىلاردىڭ بولجامى بويىنشا جاقىن ارادا الەمدىك نارىقتا مۇنايعا سۇرانىس ساقتالادى. ءبىراق سودان كەيىن تاپشىلىقتىڭ ۇزاق كەزەڭى باستالادى.

ۆيككي حوللۋب، Occidental Petroleum كومپانياسىنىڭ باسشىسى:

- جاھاندىق مۇناي تاپشىلىعى 2025 -جىلى باستالادى. ويتكەنى جوعارى ءونىمدى كەن ورىندارىن بارلاۋ قارا التىنعا سۇرانىستىڭ ءوسۋ قارقىنىنان ارتتا قالادى. الەمدىك نارىق سۇرانىس پەن ۇسىنىستىڭ تەڭسىزدىگىنە ۇشىرايدى دا، الەمدە مۇناي تاپشى بولادى. الەمدىك ەنەرگيا تۇتىنۋدا مۇنايدىڭ ۇلەسى كوپ قازىر جاھان الدىندا تۇرعان ماقسات - جاسىل ەكونوميكاعا كوشۋ. بۇل تۋرالى ءجيى ايتامىز.

بۇل رەتتە بالاما ەنەرگەتيكالىق دامۋ مۇنايدى ىعىستىرا الا ما؟

ۇلى بريتانيانىڭ British Petroleum كومپانياسىنىڭ مالىمەتىنە سۇيەنسەك، الەمدىك ەنەرگيا تۇتىنۋداعى مۇنايدىڭ ۇلەسى - 3,1. تابيعي گازدىڭ ۇلەسى ۇلەسى دە از ەمەس: #,9. ال، كۇن، جەل ەنەرگياسىنىڭ ۇلەسى بار بولعانى - %1,9. اتوم ەنەرگەتيكاسىنىڭ ۇلەسى - %4,5.

«ەگەر مۇنايدان الىناتىن ەنەرگيانى اتومنان الۋ ءۇشىن ءارقايسىسى 1,5 گۆت بولاتىن 4 مىڭ اتوم ستانسياسىن سالۋ قاجەت»، - دەيدى ساراپشىلار.

ال، قازىر الەمدە 440 قانا اتوم ستانسياسى بار. ياعني، بۇل كورسەتكىشتەر مۇنايدىڭ ەكونوميكالىق ماڭىزىن كورسەتەدى.

الەمدىك ەنەرگيا كوزدەرى

مۇناي - 3,1

تابيعي گاز - #,9

كۇن، جەل - %1,9

اتوم - %4,5

ساۋد ارابياسى مۇنايعا تاۋەلدىلىگىن ازايتۋعا نيەتتى

ەڭ ءىرى مۇناي وندىرۋشىلەردىڭ ءبىرى - ساۋد ارابياسى قارا التىن سەكتورىنا قۇيىلاتىن ينۆەستيتسيا كولەمىن ازايتۋعا نيەتتى. 2028 -جىلعا قاراي وعان بولىنەتىن اقشا 40 ميلليارد دوللارعا قىسقارادى. ءسويتىپ، جاڭا ينۆەستيتسيالاردىڭ s- ءى تاۋ-كەن، مەتاللۋرگيا، كولىك، لوگيستيكا سالالارى مەن سيفرلاندىرۋعا باعىتتالادى.

كورولدىك، وسىلايشا، مۇنايعا تاۋەلدىلىكتى ازايتپاق. ويتكەنى بيىل ەكىنشى توقساندا بيۋدجەت تاپشىلىعى 4 ميلليارد دوللاردان اسىپ كەتكەن. شيكىزات باعاسىنىڭ تومەندەۋى جانە و پ ە ك شەكتەۋلەرى سالدارىنان مەملەكەت قازىناسىن تولتىرا الماي وتىر. بيۋدجەت تاپشىلىعى ءالى بىرنەشە جىل جالعاسادى دەگەن كۇدىك بار. دەسە دە، كورولدىك كومىرتەكتى بەيتاراپتىققا قول جەتكىزۋ ماقساتىندا تابيعي گازعا قۇيىلار ينۆەستيتسيا كولەمى وزگەرىسسىز قالاتىنىن ايتادى.

الەمدە مۇناي باعاسى قىمباتتاپ بارادى

ال، قازىردە الەمدىك نارىقتا مۇناي باعاسى شارىقتاپ تۇر. بىلتىر مۇناي باعاسى باررەلىنە ورتاشا ەسەپپەن 84 دوللار بولدى. ەۋروپا ساراپشىلارى يزرايل مەن حاماس قاقتىعىسىنا بايلانىستى مۇناي باعاسى ءتىپتى 120 دوللارعا دەيىن شارىقتاۋى مۇمكىن دەپ بولجاپ وتىر. قاقتىعىس ۇزاققا سوزىلسا، مۇناي ەكسپورتتاۋشى يراننىڭ سوعىسقا تىكەلەي ارالاسۋى ىقتيمال، ال يەمەندەگى حۋسيتتەر مۇناي تاسىمالىنا كەدەرگى جاساۋىن جالعاستىرا بەرمەك. بۇل رەتتە مۇناي ساتۋشى ەلدەر پايدانى ەسەلەپ تابۋ مۇمكىندىگىنە يە بولادى. ياعني، تابيعي بايلىقتاردىڭ ىشىندە مۇنايدىڭ ەكونوميكالىق ءارى ساياسي ماڭىزى ارتا تۇسپەك.