اراعا ءبىراز ۋاقىت سالىپ بۇل قوسىمشانىڭ ەل ازاماتتارى اراسىندا سۇرانىسقا يە ەكەندىگىن بايقادىق. ماسەلەن، جەلتوقسان ايىنىڭ باسىندا كوروناۆيرۋس ينفەكسياسىنىڭ تارالۋىن باقىلاۋ جانە جۇقتىرۋ وشاقتارىن ۋاقتىلى وقشاۋلاۋ ماقساتىندا ازىرلەنگەن قوسىمشانىڭ 100 مىڭ رەت جۇكتەپ الىنعانى بەلگىلى بولدى. دەگەنمەن، بۇل كورسەتكىش ءالى دە جەتكىلىكسىز.
قوسىمشا ءتيىمدى بولۋى ءۇشىن قازاقستان تۇرعىندارىنىڭ كەمىندە 60 پايىزى ونى جۇكتەپ الۋى قاجەت. «بارلىق قازاقستاندىقتاردى وسى قوسىمشانى بەلسەندى تۇردە پايدالانۋعا، مۇقيات جانە جاۋاپتى بولۋعا شاقىرامىن. وسىلايشا، ىندەت وشاقتارىن بارىنشا وقشاۋلاپ، Covid-19- دىڭ تارالۋىنا جول بەرمەيمىز. ءبىز حالىق الدىنداعى جاۋاپكەرشىلىكتى تۇسىنەمىز جانە بارلىق جەكە دەرەكتەر قوسىمشادا بارىنشا شيفرلانعان. بۇل قوسىمشا پايدالانۋشىلاردىڭ باسىم تۇردە جاسىرىن بولۋىن قامتاماسىز ەتەدى»، - دەگەن ەدى قوسىمشانى تانىستىرعان ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين. ال قوسىمشا قالاي جۇمىس ىستەيدى؟ باعدارلامانى پايدالانۋ ءۇشىن ونى تەلەفونعا جۇكتەپ، Bluetooth قوسۋ كەرەك. وسى قوسىمشانى ورناتقان باسقا ادامدارمەن تىعىز بايلانىستا بولعان كەزدە، ولاردىڭ سمارتفوندارى Bluetooth ارقىلى شيفرلانعان يدەنتيفيكاتورلارمەن الماسادى.
COVID-19-عا وڭ ناتيجە بولعان جاعدايدا، حابارلاما فۋنكسياسىن ىسكە قوسۋ ارقىلى سىزبەن بايلانىسقان ازاماتتاردى ەسكەرتۋگە بولادى. بۇل رەتتە ەشقانداي جەكە دەرەكتەر بەرىلمەيدى جانە حابارلاما العان ادامدار جۇقتىرۋ كوزى كىم ەكەنىن بىلمەيدى. قاراپايىم تىلمەن ايتقاندا، حابارلامادا ناۋقاستىڭ اتى دا، مەكەن- جايى دا، بايلانىستارى دا، ورنالاسقان جەرى دە كورسەتىلمەيدى. مۇنداي ارحيتەكتۋرا باسقا ازاماتتارعا جاسىرىن تۇردە حابارلاۋعا مۇمكىندىك بەرەدى، بۇل حابارلاۋشىنىڭ جاريا ەتۋ ىقتيمالدىعىن ايتارلىقتاي تومەندەتەدى. قولدانبانى پايدالانعان كەزدە ادام ەشقانداي جولمەن انىقتالمايدى، دەرەكتەر شيفرلانعان تۇردە بەرىلەدى.
«قوسىمشانىڭ جۇمىسى سول باعدارلاما ورناتىلعان باسقا قۇرىلعىلارمەن بايلانىستا بولعان ادامداردى جاسىرىن تۇردە ىزدەۋگە باعىتتالعان. ونى پايدالانۋ ءۇشىن تىركەۋ قاجەت ەمەس. باعدارلاما جەكە دەرەكتەردى نەمەسە ورنالاسقان جەر تۋرالى دەرەكتەردى جينامايدى جانە جىبەرمەيدى. حابارلاندىرۋدى ىسكە قوسقان كەزدە، باعدارلاما اۆتوماتتى جانە جاسىرىن تۇردە بۇل تۋرالى باسقا پايدالانۋشىلارعا حابارلايدى. وسىلايشا، وسى قوسىمشا ازاماتتاردىڭ ساقتىعىن ارتتىرۋعا جانە جۇقتىرعان ادامدارمەن بايلانىسى تۋرالى ۋاقىتىلى حاباردار ەتۋگە كومەكتەسەدى»، - دەپ تۇسىندىرگەن ەدى ق ر دەنساۋلىق ساقتاۋ ءمينيسترى الەكسەي سوي.
قوسىمشانىڭ 3 نەگىزگى فۋنكسياسى بار: بايلانىس جۋرنالىن جۇرگىزۋ؛ باعدارلاما ورناتىلعان باسقا قۇرىلعىلارمەن شيفرلانعان ءوزارا ارەكەتتەسۋ جازبالارىن ساقتاۋ؛ تەست ناتيجەسىن تەكسەرۋ. وڭ ناتيجە بولعان جاعدايدا، پايدالانۋشى ءوزىنىڭ قوسىمشاسىندا حابارلاندىرۋ فۋنكسياسىن ىسكە قوسا الادى. سونىمەن قاتار قوسىمشادا COVID-19 تۋرالى رەسمي اقپارات تا بار. وندا ءسىز ۆيرۋستىڭ تارالۋى تۋرالى ستاتيستيكانى كورەسىز، ۇسىنىستار، پايدالى كەڭەستەر الىپ، قىزىقتىراتىن سۇراقتار قويا الاسىز. سونداي- اق، كوروناۆيرۋسقا ءوزىن- ءوزى دياگنوستيكالاۋدان وتۋگە بولادى. ادامدا COVID-19-عا وڭ پ ت ر تەستى انىقتالعان جاعدايدا بۇل جايىندا قوسىمشانى باسقا پايدالانۋشىلارعا حابارلاما جىبەرىلەدى.
ول ءۇشىن پ ت ر تەستىن تاپسىرعاننان كەيىن پايدالانۋشىعا ءموبيلدى نومىرگە ناتيجەنى بىلۋگە ارنالعان Saqbol قوسىمشاسىندا ەنگىزۋگە بولاتىن 10 تاڭبالى كودى بار س م س حابارلاما كەلەدى. ەگەر Saqbol قولدانباسىنىڭ پايدالانۋشىسى كوروناۆيرۋسقا وڭ ناتيجە بەرسە، ولار ءوز قوسىمشالارىندا حابارلاندىرۋ فۋنكسياسىن ىسكە قوسا الادى. بۇل جۇقتىرعان اداممەن سوڭعى 14 كۇن ىشىندە ەكى مەتردەن از قاشىقتىقتا جانە 15 مينۋتتان استام ۋاقىت بايلانىستا بولعان باسقا پايدالانۋشىلاردى ەسكەرتەدى. حابارلامانى ىسكە قوسقان كەزدە قوسىمشا اۆتوماتتى جانە جاسىرىن تۇردە قوسىمشانى جۇكتەگەن قازاقستاندىقتاردى جۇقتىرۋ قاۋپى جوعارى ەكەندىگى تۋرالى ەسكەرتەدى.
ەسكەرتۋ العان ازاماتتار ءبىر ۋاقىتتا ءوزىن قالاي ۇستاۋ كەرەكتىگى تۋرالى ۇسىنىستار الادى. مىسالى، دارىگەرگە بارىپ، كارانتينگە جىبەرىلەدى. قوسىمشا Google جانە Apple كومپانيالارىنىڭ جۇقتىرۋ قاۋپى تۋرالى حابارلامالار جۇيەسىن پايدالانا وتىرىپ ازىرلەنگەن. بۇل تەحنولوگيانى الەمنىڭ 30-دان استام ەلى پايدالانادى. وسىنىڭ ارقاسىندا الەمنىڭ كوپتەگەن ەلدەرىنىڭ تۇرعىندارى ءبىر- ءبىرىن تاۋىپ، اۋرۋدىڭ ىقتيمال قاۋىپتى ۆەكتورلارىن تابۋ تۋرالى اقپارات الماسادى. Saqbol قوسىمشاسىن Google Play جانە AppStore-دا جۇكتەۋگە بولادى.
اۆتور: مارلان جيەمباي