موبيلدىك «Saqbol» قوسىمشاسى كوروناۆيرۋستى جۇقتىرعانداردىڭ سانىن ازايتادى
قوسىمشا حابارلاما فۋنكسياسىن ىسكە قوسۋ ارقىلى COVID-19 ءۇشىن وڭ ناتيجە كورسەتكەن ازاماتقا سوڭعى 14 تاۋلىك بويى ەكى مەتردەن از قاشىقتىقتا جانە 15 مينۋتتان استام ۋاقىت ىشىندە قوسىمشانىڭ باسقا پايدالانۋشىلارىمەن بايلانىسى تۋرالى جاسىرىن تۇردە ەسكەرتۋگە مۇمكىندىك بەرەدى.
باسقا قۇرىلعىلارمەن ءوزارا ءىس-قيمىل جازبالارىن ساقتاۋ ۇلگىسى شيفرلانعان بولادى.
«Saqbol» قوسىمشاسىن قولدانۋعا، بىرىنشىدەن سمارتفونعا جۇكتەپ، ودان كەيىن شيفرلانعان دەرەكتەر بەرىلەتىن Bluetooth فۋنكسياسىن قوسۋ كەرەك. قوسىمشا IOS جانەAndroid-تا قولجەتىمدى.
باعدات مۋسيننىڭ ايتۋىنشا، قوسىمشا ازاماتتاردى جۇقتىرۋ قاۋپى بار تۋرالى ۋاقتىلى حاباردار ەتۋگە جانە ينفەكسيانىڭ تارالۋىن ەداۋىر ازايتۋعا مۇمكىندىك بەرەدى.
«بارلىق قازاقستاندىقتاردى وسى قوسىمشانى بەلسەندى تۇردە پايدالانۋعا، مۇقيات جانە جاۋاپتى بولۋعا شاقىرامىن. وسىلايشا، ىندەت وشاقتارىن بارىنشا وقشاۋلاپ، Covid-19-نىڭ تارالۋىنا جول بەرمەيمىز. ءبىز حالىق الدىنداعى جاۋاپكەرشىلىكتى تۇسىنەمىز جانە بارلىق جەكە دەرەكتەر قوسىمشادا بارىنشا شيفرلانعان ەتىپ جاسادىق. بۇل قوسىمشا پايدالانۋشىلاردىڭ باسىم تۇردە جاسىرىن بولۋىن قامتاماسىز ەتەدى»، دەپ ءتۇسىندىردىقازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين.
«قوسىمشانىڭ جۇمىسى سول باعدارلاما ورناتىلعان باسقا قۇرىلعىلارمەن بايلانىستا بولعان ادامداردى جاسىرىن تۇردە ىزدەۋگە باعىتتالعان. ونى پايدالانۋ ءۇشىن تىركەۋ قاجەت ەمەس. باعدارلاما جەكە دەرەكتەردى نەمەسە ورنالاسقان جەر تۋرالى دەرەكتەردى جينامايدى جانە جىبەرمەيدى. حابارلاندىرۋدى ىسكە قوسقان كەزدە، باعدارلاما اۆتوماتتى جانە جاسىرىن تۇردە بۇل تۋرالى باسقا پايدالانۋشىلارعا حابارلايدى. وسىلايشا، وسى قوسىمشا ازاماتتاردىڭ ساقتىعىن ارتتىرۋعا جانە جۇقتىرعان ادامدارمەن بايلانىسى تۋرالى ۋاقىتىلى حاباردار ەتۋگە كومەكتەسەدى»، دەپ تولىقتىردى قازاقستان رەسپۋبليكاسىنىڭ دەنساۋلىق ساقتاۋ ءمينيسترى الەكسەي سوي.
حابارلامانى العان پايدالانۋشىلار قوسىمشادا قازاقستان رەسپۋبليكاسى دەنساۋلىق ساقتاۋ مينيسترلىگىنىڭ بۇدان ءارى ءىس- قيمىلدارى تۋرالى ۇسىنىمدارىمەن تانىسا الادى.
بۇدان باسقا، پايدالانۋشىلارعا ىڭعايلى بولۋ ماقساتىندا قوسىمشاعا ءوزىن-ءوزى انىقتاۋدىڭ COVID-19 ،i-Doctor ،i-Teka رەسمي بوتتارى، سونداي-اق قازاقستان بويىنشا COVID-19 وزەكتى ستاتيستيكاسى سياقتى سەرۆيستەر بىرىكتىرىلگەن.
«Saqbol» قوسىمشاسىن ازىرلەۋشى «ۇلتتىق اقپاراتتىق تەحنولوگيالار» ا ق بولىپ تابىلادى.