سانى 21 مىڭنان 1,9 ميلليونعا جەتتى: كيىك بۇدان بىلاي جويىلۋ الدىندا تۇرعان اڭ ەمەس
كيىك «جويىلۋ قاۋپى جوعارى» ساناتىنان «جويىلۋ قاۋپى تومەن» ساناتىنا اۋىستى، دەپ حابارلايدى Kazіnform.
2023 -جىلدىڭ 11-جەلتوقسانىندا حالىقارالىق تابيعات قورعاۋ وداعى (ح ت ق و) كيىكتىڭ حالىقارالىق قىزىل تىزىمدەگى «جويىلۋ الدىندا تۇرعان» ساناتىنان «قاۋىپ تونۋگە جاقىن» ساناتىنا اۋىساتىنىن جاريالادى.
كيىكتىڭ «جويىلۋ قاۋپى جوعارى» ساناتىنان «جويىلۋ قاۋپى از» ساناتىنا اۋىسۋى قازاقستانداعى كيىك سانىنىڭ كوبەيۋىنە تىكەلەي قاتىستى.
جانۋار تۇرلەرىن قورعاۋ جانە ساناق جۇرگىزۋ جونىندەگى مەملەكەتتىك شارالار كەشەنى رەسپۋبليكاداعى كيىك پوپۋلياتسياسىن ساقتاۋ مەن قالپىنا كەلتىرۋدە ايتارلىقتاي جەتىستىككە جەتۋگە مۇمكىندىك بەردى.
2003 -جىلى ەلىمىزدەگى كيىك سانى - 21 مىڭ بولسا، 2023 -جىلى قازاقستانداعى كيىك سانى - 1 ميلليون 915 مىڭعا جەتكەن (2023 -جىلعى كوكتەمگى ساناق دەرەكتەرى بويىنشا قازاقستانداعى كيىكتىڭ بولجامدى سانى - 1915000 جەتىپ، قاز ك س ر كەزەڭىنىڭ ەڭ جوعارى كورسەتكىشىنەن (1200000 داراق) اسىپ تۇسكەن.
2006 -جىلدان باستاپ قازاقستان ۇكىمەتى جالپى اۋدانى - 5081485 گەكتار كيىك مەكەندەيتىن جەرلەردە ەرەكشە قورعالاتىن تابيعي اۋماقتاردى قۇردى جانە كەڭەيتتى.
كيىكتىڭ بەتپاقدالا پوپۋلياتسياسىن قورعاۋ ءۇشىن «ىرعىز- تورعاي»، «التىن دالا» مەملەكەتتىك تابيعي رەزەرۆاتتارى، ورال پوپۋلياتسياسى ءۇشىن «بوكەيوردا» رەزەرۆاتى قۇرىلدى.
اۆتور
جانات قاپالبايەۆا