«سامۇرىق-قازىنا» باسشىسى دەپۋتاتتاردىڭ سىنىنا جاۋاپ بەردى

استانا. KAZINFORM - «سامۇرىق-قازىنا» ا ق باسقارما ءتوراعاسى نۇرلان جاقىپوۆ «سامۇرىق-قازىنا» قورى ەكونوميكالىق ءوسۋدىڭ درايۆەرى ەمەس، تەجەگىشىنە اينالدى دەگەن سىنعا جاۋاپ بەردى.

- سوڭعى 4 جىلدا سىرتقى كۇردەلى جاعدايعا قاراماستان، اكتيۆتەر قۇنىنىڭ ورتاشا جىلدىق ءوسىمى - دى قۇراپ وتىر. تازا تابىس ءوسىمى جىلىنا ورتا ەسەپپەن ، ال كىرىس - عا جەتتى. مەنىڭ ويىمشا، بۇل قوردىڭ تابىستى جۇمىس ىستەپ، دامىپ جاتقانىن ايقىندايتىن ماڭىزدى كورسەتكىش، - دەدى نۇرلان جاقىپوۆ ەلوردادا وتكەن باسپا ءسوز ءماسليحاتىندا.

باسقارما ءتوراعاسىنىڭ مالىمدەۋىنشە، قوردىڭ نەگىزگى مىندەتى - اكتيۆتەردىڭ قۇنىن ارتتىرۋ.

- ەگەر اكتيۆتەردى مەملەكەتتىك ورگاندارعا بەرەتىن بولساق، مۇددە قاقتىعىسى تۋىندايدى. مەملەكەتتىك ورگانداردىڭ تابىس تابۋ ماقساتى جوق. ولاردىڭ مىندەتى - الەۋمەتتىك تۇراقتىلىقتى قامتاماسىز ەتۋ. سوندىقتان دا قور - اكتيۆتەردىڭ ەكونوميكالىق قۇنىن ارتتىرۋ بويىنشا ءتيىمدى قۇرال دەپ سانايمىن، - دەدى ول.

كەشە ءماجىلىس دەپۋتاتى ءادىل جۇبانوۆ پرەمەر-ءمينيستردىڭ اتىنا ساۋال جولداپ، «سامۇرىق-قازىنا» قورى قازاقستان ەكونوميكاسىنىڭ درايۆەرى ەمەس، تەجەۋىشى دەپ سىناعان ەدى.

ايتا كەتەيىك، «سامۇرىق-قازىنا» قورى قىزمەتىنە مەملەكەتتىك اۋديت ءجۇرىپ جاتىر. ونىڭ ناتيجەسى ماۋسىمنىڭ سوڭىندا شىعادى.

سونداي-اق قور باسشىسى نۇرلان جاقىپوۆ «سامۇرىق-قازىنا» جالپى ىشكى ءونىمنىڭ 50-60 پايىزىن قۇرايدى دەگەن اقپاراتتى جوققا شىعاردى.

اۆتور

داۋلەت ىزتىلەۋ