بۇعان دەيىن تاۋەكەلدەردى باسقارۋ جۇيەسىن ەسكەرە وتىرىپ، بەرەشەك 1 تەڭگەدەن باستالعان جاعدايدا ءدا وندىرىپ الۋ شارالارى قولدانىلۋى مۇمكىن ەدى.
جاڭا ءتارتىپ بويىنشا، بەرەشەك مولشەرى 20 ا ە ك-تەن از بولسا، سالىق تولەۋشىگە بەرەشەگى تۋرالى حابارلاما جىبەرىلىپ، ءوسىمپۇل ەسەپتەلەدى. بۇل جاعدايدا وزگە ءوندىرىپ الۋ شارالارى قولدانىلمايدى.
- بەرەشەك 20 ا ە ك- تەن 45 ا ە ك-كە دەيىن بولسا، ونى وتەۋ تۋرالى حابارلاما جىبەرىلەدى. سونىمەن قاتار بانك شوتتارى مەن كاسسا بويىنشا شىعىس وپەراتسيالارى توقتاتىلا تۇرىپ، ينكاسسالىق وكىمدەر شىعارىلادى. ال بەرەشەك 45 ا ە ك-تەن اسقان جاعدايدا مۇلىكتى تىزىمدەۋ جانە وتكىزۋ، سونداي-اق دەبيتورلار ەسەبىنەن ءوندىرىپ الۋ سياقتى زاڭنامادا كوزدەلگەن بارلىق شارا قولدانىلادى، - دەلىنگەن حابارلامادا.
بۇدان بولەك، 2026-جىلعى 1-شىلدەدەن باستاپ سالىق كودەكسىنە قازاقستاننان شىعۋدى ۋاقىتشا شەكتەۋ تۋرالى نورما ەنگىزىلدى. بۇل شارانى ءىس جۇزىندە قولدانۋ 1 -قازاننان باستالدى.
اتالعان شەكتەۋ سالىق بەرەشەگى 27000 ا ە ك-تەن اسىپ، ءول ۇش ايدان استام ۋاقىت بويى وتەلمەگەن جاعدايدا قولدانىلۋى مۇمكىن.
شەكتەۋ دارا كاسىپكەرلەرگە، جەكە پراكتيكامەن اينالىساتىن ادامدارعا، سونداي-اق زاڭدى تۇلعالاردىڭ ءبىرىنشى باسشىلارىنا نەمەسە ولاردىڭ مىندەتتەرىن اتقاراتىن ادامدارعا قاتىستى قولدانىلادى.
قازاقستاننان شىعۋدى ۋاقىتشا شەكتەۋ ءىرى مولشەردەگى بەرەشەك بولعاندا جانە سوت سانكتسيالاعاننان كەيىن عانا ەنگىزىلەدى. مەملەكەتتىك كىرىستەر ورگانى ءتيىستى قاۋلى شىعارىپ، ونى سوتقا جولدايدى. سوت سانكتسيا بەرگەن سوڭ قاۋلى مەملەكەتتىك كىرىستەر ورگاندارىنىڭ اقپاراتتىق جۇيەسى ارقىلى ورىنداۋ ءۇشىن ۋاكىلەتتى اقپاراتتىق جۇيەگە جىبەرىلەدى.
ەسكە سالايىق، بۇعان دەيىن قازاقستاندا سالىق بەرەشەگىنە بايلانىستى 700 گە جۋىق جەكە كاسىپكەر مەن كاسىپورىن باسشىسىنىڭ شەتەلگە شىعۋىنا ۋاقىتشا شەكتەۋ قويىلۋى مۇمكىن ەكەنىن جازعانبىز.