استانا. KAZINFORM - سادىر جاپاروۆ 8-قىركۇيەكتە V دۇنيەجۇزىلىك كوشپەندىلەر ويىندارىنىڭ اشىلۋ سالتاناتىنا قاتىسۋ ءۇشىن استاناعا كەلەدى. بۇل تۋرالى قىرعىزستان پرەزيدەنتى اكىمشىلىگىنىڭ سىرتقى ساياسات ءبولىمىنىڭ مەڭگەرۋشىسى مۇراتبەك ازىمباقيەۆ مالىمدەدى، دەپ جازادى كابار اگەنتتىگى.
«V دۇنيەجۇزىلىك كوشپەندىلەر ويىندارى استانا قالاسىندا 8-13-قىركۇيەك ارالىعىندا وتەدى. سپورتتىق ءىس-شاراعا 89 ەلدەن كەلگەن 3 مىڭنان اسا سپورتشى قاتىسادى»، - دەدى مۇراتبەك ازىمباقيەۆ.
ەسكە سالا كەتەيىك، قۇسبەگىلىك سايىسى دۇنيەجۇزىلىك كوشپەندىلەر ويىنىنا العاش رەت قوسىلعانىن جازعان ەدىك. سونداي-اق اتالعان ءدۇبىرلى دودادا قىتاي قازاقتارى اراسىنان ءارتۇرلى سالماق بويىنشا 8 بالۋان باق سىنايدى.
ايتا كەتسەك، دۇنيەجۇزىلىك كوشپەندىلەر ويىندارىندا تۇڭعىش رەت بارلىق قۇرلىقتىڭ وكىلى باق سىنايدى. الەمدىك دودادا سپورتتىڭ 21 ءتۇرى بويىنشا 97 مەدال جيىنتىعى ساراپقا سالىنادى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.