ساداق اتۋدان ەربول تاپەنوۆ پەن قاسىمحان قانات كۇمىس جانە قولا مەدال الدى
استانا. KAZINFORM - بۇگىن 5- دۇنيەجۇزىلىك كوشپەندىلەر ويىندارىندا ءداستۇرلى ساداق اتۋ بويىنشا قالقان نىساناسىن كوزدەۋدەن سايىس ءوتتى. وندا ەكى وتانداسىمىز - ەربول تاپەنوۆ پەن قاسىمحان قانات كۇمىس جانە قولا مەدال جەڭىپ الدى.
قالقان نىساناسىن كوزدەۋدە ەرلەر 60 مەتر، ايەلدەر 50 مەتر قاشىقتىقتا نىسانا كوزدەيدى. مۇندا ءار سپورتشىعا 7 مۇمكىندىكتەن بەرىلەدى، ءار مۇمكىندىكتە 3 مينۋت ۋاقىت بولادى جانە 7 جەبە اتىلادى.
جارىس قورىتىندىسى بويىنشا ەرلەر اراسىندا ماجارستاندىق لاسلو كوچكا التىن، قازاقستاندىق ەربول تاپەنوۆ كۇمىس جانە قانات قاسىمحان مەن موڭعوليالىق سەۆەەن حۋدەرچۋلۋۋن قولا جۇلدە الدى.
ايەلدەر اراسىندا بۇگىن قازاقستاندىق سپورتشىلار فينالعا شىعا المادى، التىن مەدالدى - يندونەزيالىق سۋري رەنو، كۇمىس مەدالدى رەسەيلىك اننا الەكسەيەۆا جانە قولا جۇلدەنى ماجارستاندىق بارچاي نيكولەت يلونا مەن قىرعىزستاندىق اسەل سادىروۆا الدى.
ايتا كەتەيىك، كەشە ءداستۇرلى ساداق اتۋدان پۋتا نىساناسىن كوزدەۋدە قازاقستاندىق سپورتشىلار ءبىر التىن، ەكى قولا مەدالىن جەڭىپ الدى.
ەرتەڭ جامبى ستيلىندە ساداق اتۋ جارىستارى وتەدى جانە 12 -قىركۇيەككە جالپى كوماندالىق جارىستار جوسپارلانعان.
اۆتور
ايجان سەرىكجان قىزى