ساداق اتۋدان قازاقستان ايەلدەر قۇراماسى انتالياداعى ىرىكتەۋ تۋرنيرىنە قاتىسادى
19:30, 10 - ماۋسىم 2024
استانا. KAZINFORM - تۇركيانىڭ انتاليا قالاسى ساداق اتۋدان وليمپياداعا جولداما بەرەتىن ىرىكتەۋ باسەكەسىن قابىلدايدى.
ۇلتتىق وليمپيادالىق كوميتەتتىڭ مالىمەتىنشە، سپورتشىلار تۋرنير بارىسىندا 14 جولداماعا تالاسادى.
شەشۋشى سايىسقا ساداق اتۋدان قازاقستان ايەلدەر قۇراماسى قاتىسادى. اتاپ ايتار بولساق، الينا ءىلياسوۆا، ديانا تۇرسىنبەك جانە ەليزاۆەتا اۆدەيەۆالار ءوز مۇمكىندىكتەرىن سىناپ كورەدى.
ىرىكتەۋ ءتۋرنيرى 13-17-ماۋسىم ارالىعىنا جوسپارلانعان.
ەسكە سالا كەتەيىك، بۇعان دەيىن قازاقستاندىق سپورتشى ساداق اتۋدان ازيا كۋبوگىندا جۇلدەگەر اتانعانىن جازعان ەدىك.