ساداق اتۋدان ازيا كۋبوگىندا قازاقستان قۇراماسى ەكى التىن مەدال جەڭىپ الدى
13:24, 20 - ماۋسىم 2025
استانا. KAZINFORM - قازاقستان قۇراماسى ساداق اتۋدان سينگاپۋردەگى ازيا كۋبوگىنىڭ كەزەڭىندە ەكى التىن مەدال جەڭىپ الدى.
بلوكتىق ساداق اتۋدان ارالاس كوماندالار اراسىندا ادەل جەكسەنبينوۆا مەن اندرەي تيۋتيۋن جۇبى اقتىق سىندا ءۇندىستاننان باسىم ءتۇستى. قورىتىندى ەسەپ 155-153.
تاعى ءبىر فينالدىق كەزدەسۋدە قازاقستان ەرلەر قۇراماسى ءۇندىستاننان بارعان قارسىلاستارىن 235:231 ەسەبىمەن جەڭدى. بۇل سىندا ەلىمىزدىڭ نامىسىن اندرەي تيۋتيۋن، دىلمۇحامەت مۋسا جانە بۋنەد ميرزامەتوۆ قورعادى.
ەسكە سالا كەتەيىك، بۇعان دەيىن ساداق اتۋدان سينگاپۋردا ءوتىپ جاتقان ازيا كۋبوگىنىڭ كەزەڭىندە قازاقستان ەرلەر قۇراماسى فينالعا جولداما العانىن جازعان ەدىك.