ساۋد ارابياسى كولانىڭ بالاما ءتۇرىن جاساپ شىعاردى
استانا. KAZINFORM - ساۋد ارابياسى ءداستۇرلى گازدالعان سۋسىندارعا جاڭا بالاما - قۇرامىندا قانتى جوق Milaf Cola ءونىمىن ۇسىندى. بۇل ءونىم ەلدەگى دامىپ كەلە جاتقان تاماق ونەركاسىبىن قولداۋعا جانە جەرگىلىكتى جانە ەكسپورتتىق ونىمدەردىڭ تۇرلەرىن كەڭەيتۋگە ارنالعان.
ازەرتادج- دىڭ حابارلاۋىنشا، ەر- ريادتاعى قۇرما فەستيۆالىندە Milaf Cola نىڭ رەسمي تۇساۋكەسەرى وتكەن. سۋسىندى ساۋد ارابياسىنىڭ جەكە ينۆەستيتسيالىق قورىنىڭ (PIF) ەنشىلەس ۇيىمى Thurath Al Madina ۇسىنعان. كومپانيا Milaf Cola نى ىشكى جانە حالىقارالىق نارىققا شىعارۋدى كوزدەپ وتىر.
Thurath Al Madina باس ديرەكتورى باندار ءال- كاحتاني بولاشاقتا قۇرمانى الەمدىك نارىقتا قۇنارلىلىعى جوعارى ءونىم رەتىندە ىلگەرىلەتۋ ءۇشىن قورشاعان ورتا، سۋ جانە اۋىل شارۋاشىلىعى مينيسترلىگىمەن بىرلەسە جۇمىس ىستەيتىن جوسپارلارى بار ەكەنىن مالىمدەدى.
ەلدىڭ قۇرما ءوندىرىسى جىلىنا 1,6 ميلليون توننانى قۇرايدى. بۇل ىشكى قاجەتتىلىكتەردەن اسىپ تۇسەدى.
- Milaf Cola سەرگىتەتىن سۋسىن عانا ەمەس، سونىمەن قاتار ساۋد ارابياسىنىڭ اۋىل شارۋاشىلىعى ەكونوميكاسىن دامىتۋعا جانە قۇرمانى پايدالى ءونىم رەتىندە ناسيحاتتاۋعا ىقپالىن تيگىزەدى، - دەلىنگەن حاباردا.