92 كيلوعا دەيىنگى سالماقتا جۇدىرىقتاساتىن قازاقستاندىق بوكسشى ساعىندىق توعامباي حاڭجوۋداعى ازيا ويىندارىن ءساتتى باستادى.
وتانداسىمىز ءبىرىنشى جەكپە-جەگىندە موڭعول بوكسشىسىن تەحنيكالىق نوكاۋتپەن ۇتىپ شىقتى.
ساعىندىق بارياحاان دورجعا قارسى جەكپە-جەگىندە ايقىن باسىمدىق تانىتتى. ءبىرىنشى راۋندتا قارسىلاسىن ءبىر رەت نوكداۋنعا تۇسىرسە، ەكىنشى راۋندتا تاعى دا تورەشى نوكداۋن اشتى. ناتيجەسىندە تورەشى جەكپە-جەكتى توقتاتتى.
ايتا كەتەيىك، بۇعان دەيىن ساكەن بيبوسىنوۆ، ەرتۋعان زەينۋللين، ماحمۇد سابىرحان مەن قىزدار اراسىندا نازىم قىزايباي كەلەسى كەزەڭگە شىققان ەدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.