ساعىندىق توعامباي ازيا ويىندارىندا قارسىلاسىن نوكاۋتپەن ۇتتى
19:13, 27 - قىركۇيەك 2023
92 كيلوعا دەيىنگى سالماقتا جۇدىرىقتاساتىن قازاقستاندىق بوكسشى ساعىندىق توعامباي حاڭجوۋداعى ازيا ويىندارىن ءساتتى باستادى.
وتانداسىمىز ءبىرىنشى جەكپە-جەگىندە موڭعول بوكسشىسىن تەحنيكالىق نوكاۋتپەن ۇتىپ شىقتى.
ساعىندىق بارياحاان دورجعا قارسى جەكپە-جەگىندە ايقىن باسىمدىق تانىتتى. ءبىرىنشى راۋندتا قارسىلاسىن ءبىر رەت نوكداۋنعا تۇسىرسە، ەكىنشى راۋندتا تاعى دا تورەشى نوكداۋن اشتى. ناتيجەسىندە تورەشى جەكپە-جەكتى توقتاتتى.
ايتا كەتەيىك، بۇعان دەيىن ساكەن بيبوسىنوۆ، ەرتۋعان زەينۋللين، ماحمۇد سابىرحان مەن قىزدار اراسىندا نازىم قىزايباي كەلەسى كەزەڭگە شىققان ەدى.