ساۋالناما: كامالا حارريستىڭ تانىمالدىعى كۇرت ارتتى

استانا. قازاقپارات - ABC News/Ipsos ساۋالناما دەرەكتەرىنە سايكەس، پرەزيدەنت دجو بايدەن پرەزيدەنتتىك لاۋازىمعا تالاس جولىنان شىققاننانكەيىنگى بىرنەشە كۇننىڭ ىشىندە ۆيتسە- پرەزيدەنت كامالا حارريستىڭ رەيتينگى امەريكالىقتار اراسىندا كۇرت ارتتى.

 بۇل تۋرالى ABC News حابارلايدى.

ساۋالناماعا سايكەس، ۆيتسە- پرەزيدەنتتىڭ قولايلى جاعداي رەيتينگى 43 پايىزعا دەيىن ارتسا، ال قولايسىز جاعداي رەيتينگى 42 پايىزعا دەيىن (1 اپتا بۇرىن اتالعان كورسەتكىشتەر تيىسىنشە 35 جانە 46 پايىز بولاتىن) تومەندەدى.

رەيتينگتىڭ كۇرت جوعارىلاۋى ساياسي ماڭىزدى توپتاردىڭ - تاۋەلسىز سايلاۋشىلاردىڭ اراسىندا دا بايقالادى.

ايتالىق، تاۋەلسىز سايلاۋشىلاردىڭ 44 پايىزى ك. حارريس جايلى وڭ پىكىردە. ءبىر اپتا بۇرىن بۇل كورسەتكىش 28 پايىز بولعان.

تاۋەلسىز سايلاۋشىلار اراسىندا ونى ۇناتپايتىنتىنداردىڭ ۇلەسى 40 پايىزدى قۇراپ وتىر. ال وتكەن اپتادا ول 47 پايىز ەدى.

ساۋالناماعا قاتىسقان امەريكالىقتاردىڭ 52 پايىزى ۆيتسە-پرەزيدەنت دەموكراتيالىق پارتيا اتىنان كانديدات بولۋى ءتيىس دەپ ەسەپتەيدى.

بۇل سيفر دەموكراتتار اراسىندا – 88، ال افروامەريكالىقتار اراسىندا - 70 پايىزعا دەين ارتقان.

د. ترامپتىڭ قولايلى جاعداي رەيتينگكە وعان قاستاندىق جاسالعاننان كەيىن جانە رەسپۋبليكالىق پارتيانىڭ ۇلتتىق سەزىنەن كەيىن جۇرگىزىلگەن سوڭعى ساۋالناما ناتيجەسىندە 40-تان 36 پايىزعا دەيىن تومەندەدى.

تاۋەلسىز سايلاۋشىلار اراسىندا د. ترامپقا بۇيرەگى بۇراتىندار وتكەن اپتادا 35 پايىز بولسا، جەكسەنبىدە 27 پايىزعا دەيىن تومەندەدى.

كۇزدە وتەتىن امەريكالىق پرەزيدەنتتى سايلاۋعا قاتىسۋشىلار شەشۋى مانگە يە جانە دە ABC News/Washington Post شىلدە ايىنىڭ باسىندا جۇرگىزگەن ساۋالنامامەن سالىستىرعاندا داۋىس بەرۋگە قاتىسۋعا نيەت ءبىلدىرىپ وتىرعان دەموكراتتاردىڭ ۇلەسى 70-تەن 76 پايىزعا دەيىن ارتىپ وتىر.

قازىرگى ۋاقىتتا بۇل كورسەتكىش قاراشاداعى سايلاۋدا داۋىس بەرەتىندىگىنە سەنىمدى رەسپۋبليكالىقتار اراسىندا 78 پايىزعا تەڭ.

سوڭعى اپتادا ترامپتىڭ سەرىكتەسى دجەي دي ۆەنسكە نيەتتەستەر قاتارى وزگەرە قويعان جوق. دەگەنمەن، وعان قىرىن قارايتىن امەريكالىقتاردىڭ ۇلەسى ارتىپ كەلەدى.

ماسەلەن، وگايو شتاتىنان سەناتوردىڭ قولايلى جاعداي رەيتينگى - 24 پايىز. ال وتكەن اپتاداعى ساۋالناما بارىسىنداعى رەيتينگى 23 پايىز بولعان- دى.

ءبىراق، وعان قىرىن قارايتىندار قاتارى وتكەن اپتادا 31 پايىز بولسا، قازىرگى ۋاقىتتا 39 پايىزعا جەتىپ وتىر.

ABC News/Ipsos ساۋالناماسى 26-27- شىلدە كۇندەرى افروامەريكالىق جانە يسپان ءتىلدى رەسپوندەنتتەردىڭ قاتىسۋىمەن 1200 ەرەسەك امەريكالىقتىڭ اراسىندا اعىلشىن جانە يسپان تىلىندە جۇرگىزىلدى.

ناتيجە 3 تارماققا قاتە بولۋى ىقتيال.

پارتيالىق ءبولىنۋ مىناداي: دەمكوراتتار - 31 پايىز، رەسپۋبليكالىقتار - 29 پايىز جانە تاۋەلسىز سايلاۋشىلار - 29 پايىز.

اۆتور

مارلان جيەمباي