جاڭا زەرتتەۋ ماۋسىمىندا ماماندار اراب تۇبەگىندەگى ادامزاتتىڭ العاشقى ىزدەرىن، ەجەلگى پاتشالىقتار مەن وازيستەر ماڭىنداعى قونىستاردىڭ تاريحىن زەردەلەيدى. سونداي-اق ساۋدا جانە قاجىلىق جولدارىن، سۋمەن جابدىقتاۋ جۇيەسى مەن كونە قوعامداردىڭ كۇندەلىكتى تۇرمىس- تىرشىلىگى زەرتتەلەدى.
بۇل زەرتتەۋ ەجەلگى وركەنيەتتەردى تانىپ بىلۋگە، مادەني مۇرانى ساقتاۋعا جانە حالىقارالىق عىلىمي بايلانىستاردى نىعايتۋعا باعىتتالعان.
ونىڭ نەگىزگى باعىتى ءوڭىردىڭ جازبا مۇراسىن زەردەلەۋگە ارنالادى. ءال- ۋلە اۋماعىنان بۇگىنگە دەيىن 25 مىڭنان استام كونە جازبا تابىلعان. ولار ارابيا تۇبەگىنىڭ سولتۇستىك-باتىسىنداعى تاريحتى، تىلدەردى جانە مادەني بايلانىستاردى تەرەڭىرەك تانۋعا جول اشادى. بۇدان بولەك ماماندار ەجەلگى قىش بۇيىمداردى، جانۋار سۇيەكتەرىن جانە وازيستەردەگى سۋ جۇيەلەرىن زەرتتەپ جاتىر.
باعدارلاما اياسىندا ساۋديالىق ماماندار دايارلانىپ، ستۋدەنتتەر دالالىق جانە زەرتحانالىق زەرتتەۋلەرگە قاتىسادى. سونىمەن قاتار حالىقارالىق عىلىمي مەكەمەلەرمەن ىنتىماقتاستىق ورناتۋ كوزدەلگەن. بۇل باستاما ۇلتتىق مۇرانى ساقتاۋعا جانە ساۋد ارابياسىنىڭ مادەنيەتىن شەتەلدە كەڭىنەن تانىتۋعا باعىتتالعان «Saudi Vision 2030» ستراتەگياسىنىڭ ماقساتتارىنا ساي كەلەدى.
بۇعان دەيىن ساۋد ارابياسىنداعى اڭشىلىق كورمەسىندە 5 مىڭنان استام ءونىم تانىستىرىلاتىنى حابارلانعان بولاتىن.