Saudi Aramco مەملەكەتتىك مۇناي كومپانياسى شەتەل نارىقتارىنا جونەلتۋ ءۇشىن مۇناي جونەلتۋدى باستاعان. ازىرگە قارا التىن شەكتەۋلى كولەمدە تاسىمالدانىپ جاتىر.
قۇبىردىڭ جۇمىسى قايتا جاندانعاننان كەيىن ساۋد ارابياسى شىعىس پروۆينتسياسىنداعى مۇناي كەن ورىندارىنان قىزىل تەڭىز جاعالاۋىنداعى يانبۋ پورتىنا دەيىنگى باعىتتى پايدالانا الادى. بۇل باعىت ورمۋز بۇعازىن اينالىپ وتۋگە مۇمكىندىك بەرەدى.
ۇزىندىعى شامامەن 1,2 مىڭ شاقىرىم بولاتىن مۇناي قۇبىرى تاۋلىگىنە 7 ميلليون باررەلگە دەيىن مۇناي تاسىمالداۋعا ەسەپتەلگەن.
بۇعان دەيىن بۇل مۇناي قۇبىرىنا يەمەندەگى «انسار اللاح» قوزعالىسى (حۋسيتتەر) شابۋىل جاساعان بولاتىن.
ەسكە سالا كەتەيىك، ورمۋز بۇعازى ارقىلى مۇناي جەتكىزۋدىڭ ىركىلۋى الەمدىك مۇناي نارىعىنداعى تاۋەكەلدەردى كۇشەيتىپ، باعا ديناميكاسىنا اسەر ەتتى.
ءبىر كۇن بۇرىن ا ق ش پرەزيدەنتى دونالد ترامپ امەريكالىق تاراپتىڭ ورمۋز بۇعازى ارقىلى رەكوردتىق كولەمدە مۇناي شىعارعانىن مالىمدەدى.