سۋ تاسقىنىنان زارداپ شەككەن كولقامىس تۇرعىندارى 1-تامىزعا دەيىن باسپانا الادى
قوستاناي. KAZINFORM - ءماجىلىس دەپۋتاتتارى، «AMANAT» پارتياسىنىڭ مۇشەلەرى بەرىك بەيسەنعاليەۆ پەن ەركىن ءابىل قوستاناي وبلىسى جانگەلدين اۋدانىنىڭ كولقامىس اۋىلىنىڭ تۇرعىندارىمەن كەزدەسىپ، سۋ تاسقىنى سالدارىنان باسپاناسىز قالعان ازاماتتارمەن جانە ولارعا جاڭا ۇيلەردى سالىپ جاتقان قۇرىلىسشىلارمەن كەزدەستى.
تابيعي اپاتتان زارداپ شەككەن جانگەلدين اۋدانىنىڭ وتباسىلارى جالعىز باسپانالارىنان ايىرىلدى. پرەزيدەنت قاسىم-جومارت توقايەۆتىڭ تاپسىرماسى بويىنشا ءاربىر مۇقتاج وتباسىعا مەملەكەتتەن جاڭا باسپانا بەرىلەدى. اتاپ ايتقاندا، تاۋىش اۋىلىندا 22، ال كولقامىس اۋىلىندا 19 ءۇي سالىنىپ جاتىر. باسپانالار قوستاناي وبلىسى اكىمدىگى مەن «قازاقستان حالقىنا» قوعامدىق قورى اراسىندا جاسالعان مەموراندۋم اياسىندا تيپتىك جوبامەن سالىنادى. ءاربىر ءۇيدىڭ جالپى اۋدانى 80 شارشى مەتر جانە قۇنى شامامەن 30 ميلليون تەڭگەنى قۇرايدى.
«مەن مۇنداي سۋ تاسقىنىن كورگەن ەمەسپىن. جەرگىلىكتى اۋىل اقساقالدارىنىڭ ايتۋىنشا، قىزىل سۋ اۋىل توڭىرەگىن ۇنەمى اينالىپ وتەتىن. ءبىراق بيىل جاعداي باسقاشا بولدى. سۋ اۋىلىمىزدى تۇگەلدەي باستى. ۆولونتەرلەرگە ەۆاكۋاتسياعا كومەكتەسكەندەرى، ازىق-تۇلىك اكەلگەندەرى، زاتتاردى وراپ، بالالارعا قاراعاندارى ءۇشىن العىس ايتامىن. قازىر بىزگە ۋاقىتشا كيىز ۇيلەر قويىلدى، بولاشاققا سەنىممەن قاراپ، جاڭا باسپانانى كۇتەمىز»، - دەدى كولقامىس اۋىلىنىڭ تۇرعىنى تەمىرحان شويباسوۆ.
ايتا كەتۋ كەرەك، «AMANAT» پارتياسى تابيعي اپاتتىڭ العاشقى كۇنىنەن باستاپ زارداپ شەككەندەرگە ناقتى كومەك كورسەتۋ جۇمىستارىن شۇعىل باستادى. بۇل گۋمانيتارلىق كومەكتى جيناۋ، «جاستار رۋحى» ەرىكتىلەرىن جۇمىلدىرۋ، جاعالاۋلاردى قۇم سالىنعان قاپتارمەن نىعايتۋ، سۋ تاسقىنىنا قارسى بوگەتتەر سالۋ جانە تاعى باسقا جۇمىستار.
«سۋ تاسقىنى كەزىندە ءبىز تۇرعىندارمەن كەزدەسكەندە ولاردىڭ كوبى جاتاقحانالار مەن باسقا ەۆاكۋاتسيالىق پۋنكتەرگە ورنالاستىرىلعان ەدى. ءقازىر جاعداي جاقسارىپ كەلەدى، زارداپ شەككەندەر ءوز باسپانالارىن الۋدا. كولقامىستا 19 وتباسى وسى جازدىڭ 1 تامىزىندا جاڭا ۇيلەرىنە قونىستانادى. قوسىمشا 10 سوتتىق جەر دە بەرىلەدى. جالپى قوستاناي وبلىسىندا سۋ تاسقىنىنان زارداپ شەككەندەر ءۇشىن قۇرىلىس جانە تۇرعىن ءۇي ساتىپ الۋ جۇمىستارى جازدىڭ سوڭىنا دەيىن اياقتالادى، - دەدى ءماجىلىس دەپۋتاتى بەرىك بەيسەنعاليەۆ.
ال دەپۋتات ەركىن ءابىل ەگەر تۇرعىندار وتەماقى الۋ نەمەسە جوعالعان مۇلىكتى باعالاۋ ماسەلەلەرىندە قيىندىقتار تۋىنداسا، «AMANAT» پارتياسى «قۇقىقتىق كومەك» جوباسى اياسىندا تەگىن زاڭگەرلىك كومەك كورسەتەتىنىن ايتتى.
ءبىر كۇن بۇرىن دەپۋتاتتار ارقالىق قالاسىندا سۋ تاسقىنىنان زارداپ شەككەن ارقالىق، امانگەلدى جانە جانگەلدين اۋداندارىنىڭ تۇرعىندارى ءۇشىن سالىنىپ جاتقان 50 پاتەرلى ءۇيدىڭ قۇرىلىس بارىسىمەن تانىستى. قىركۇيەك ايىندا ءۇي پايدالانۋعا بەرىلەدى. 50 پاتەردىڭ 20 سى ارقالىق تۇرعىندارىنا، 16 سى امانگەلدى جانە 14 ءى جانگەلدين اۋداندارىنىڭ تۇرعىندارىنا ارنالماق. بۇدان بولەك، ارقالىقتا 78 زارداپ شەككەن وتباسى ءۇشىن دايىن پاتەرلەر ساتىپ الىندى.