سۋ تاسقىنى: وزبەكستان ەلىمىزگە گۋمانيتارلىق كومەك جىبەردى
استانا. KAZINFORM - وزبەكستان پرەزيدەنتى شاۆكات ميرزيەيەۆتىڭ تاپسىرماسىنا سايكەس قازاقستانداعى سۋ تاسقىنىنان زارداپ شەككەن حالىققا گۋمانيتارلىق كومەك جونەلتىلدى، دەپ جازادى وزبەكستاننىڭ uza.uz اگەنتتىگى.
اگەنتتىكتىڭ حابارلاۋىنشا، گۋمانيتارلىق جۇكتى قالىپتاستىرۋعا جانە بەلگىلەنگەن جەرگە جەتكىزۋگە بايلانىستى ۇيىمداستىرۋ ماسەلەلەرىنە باسا نازار اۋدارىلعان مينيسترلەر كابينەتىنىڭ قاۋلىسى قابىلداندى.
گۋمانيتارلىق جۇكتى قازاقستان رەسپۋبليكاسىنا وزبەكستان پرەزيدەنتىنىڭ كەڭەسشىسى تۇرسىنحان حۋدويبەرگەنوۆ باستاعان جۇمىس توبى جەتكىزەدى.
15 ءىرى جۇك كولىگىنە تيەلگەن گۋمانيتارلىق كومەك قۇرامىندا ازىق- تۇلىك، ايەلدەر، بالالار جانە ەرلەردىڭ سىرتقى كيىمدەرى، كورپە-توسەك، جاستىق، گيگيەنالىق قۇرالدار، ارنايى جابدىقتارى بار شاتىرلار، رەزەڭكە قايىق جيناقتارى جانە باسقا دا قاجەتتى تاۋارلار بار.
اۆتور
ايدار وسپاناليەۆ