سۋ تاسقىنى: رومان سكليار اقتوبە وبلىسىنا بارىپ، جاۋاپتى تۇلعالارعا تاپسىرما بەردى
اقتوبە. KAZINFORM - ءبىرىنشى ۆيتسە-پرەمەر رومان سكليار اقتوبە وبلىسىنداعى سۋ تاسقىنى جاعدايىمەن جانە جۇرگىزىلىپ جاتقان جۇمىستاردى ۇيلەستىرۋ بارىسىمەن تانىستى، دەپ حابارلايدى ۇكىمەتتىڭ باسپا ءسوز قىزمەتى.
ق ر پرەمەر-ءمينيسترىنىڭ ءبىرىنشى ورىنباسارى رومان سكليار اقتوبە وبلىسىنا جۇمىس ساپارى اياسىندا وڭىردەگى سۋ تاسقىنى جاعدايىمەن، سونداي- اق ورتالىق جانە جەرگىلىكتى مەملەكەتتىك ورگانداردىڭ جۇمىستارىن ۇيلەستىرۋ بارىسىمەن تانىستى.
جۇمىس ساپارى بارىسىندا ءبىرىنشى ۆيتسە- پرەمەر اقتوبە سۋ قويماسىنىڭ اعىمداعى جاي- كۇيىن تەكسەردى، ول ەرىگەن قار سۋىنىڭ شامادان تىس جينالۋى سالدارىنان تولىپ كەتكەن. سۋ قويماسىنداعى سۋدى اعىزىپ جىبەرۋ ناتيجەسىندە ەلەك جانە قارعالى وزەندەرىنىڭ بويىندا ورنالاسقان اقتوبە قالاسىنىڭ ساياجايلارى سۋ استىندا قالدى. قازىرگى ۋاقىتتا سۋ قويماسى 0 عا تولعان، سۋ گيدروتەحنيكالىق قۇرىلىستار ارقىلى سەكۋندىنا 1000 تەكشە مەتر قارقىنمەن جىبەرىلىپ جاتىر.
ر. سكليار سۋ قويماسىنىڭ جاعدايىنا تۇراقتى تۇردە مونيتورينگ جۇرگىزۋدى، ال سۋ جىبەرۋ بويىنشا بارلىق جۇمىستى جەرگىلىكتى اتقارۋشى ورگاندارمەن كەلىسۋدى تاپسىردى. سونىمەن قاتار جۇمىس ساپارى بارىسىندا ت ج م وكىلدەرىمەن بىرگە سازدى سۋ قويماسىن، قارعالى جانە ەلەك وزەندەرىنىڭ بويىنداعى باۋ-باقشا جانە تۇرعىن الاپتارىن تىكۇشاقپەن ارالاپ ۇشىپ شىقتى. العا اۋدانىنداعى قورعانىس بوگەتتەرى تەكسەرىلدى.
بۇگىنگى جاعداي بويىنشا وبلىستىڭ ءۇش اۋدانىندا (قوبدا، مۇعالجار، تەمىر) جانە اقتوبە قالاسىندا جەرگىلىكتى دەڭگەيدەگى تابيعي سيپاتتاعى ت ج جاريالاندى. 6 اۋداندا ەلەكتر قۋاتى اپاتتى تۇردە اجىراتىلىپ، 200 گە جۋىق ءۇي سۋ استىندا قالدى، 2870 ادام ەۆاكۋاتسيالاندى. سۋ تاسقىنى سالدارىن جويۋ جۇمىستارىن جەدەلدەتۋ ءۇشىن اقتوبە وبلىسىنا شامامەن 220 ادام جانە 25 تەن استام تەحنيكادان جاساقتالعان ماڭعىستاۋ وبلىسى ت ج د، 52859، 20982 اسكەري بولىمدەرىنىڭ كۇشتەرى مەن قۇرالدارى جىبەرىلدى.
جالپى وڭىردەگى سۋ تاسقىنىنا قارسى ءىس- شارالارعا بارلىعى 1735 ادام، 350 تەحنيكا مەن 62 موتوپومپا جۇمىلدىرىلعان. مەملەكەتتىك ورگانداردىڭ بارلىق كۇش- جىگەرى سۋ تاسقىنىنىڭ سالدارىن بارىنشا ازايتۋعا باعىتتالعان. زارداپ شەككەندەرگە ۇكىمەت پەن اكىمدىكتەر تاراپىنان قاجەتتى كومەك كورسەتىلەتىن بولادى.