سۋ تاسقىنى: ۋاقىتشا ورنالاستىرۋ پۋنكتتەرىندە 990 بالا بار
استانا. KAZINFORM - دەنساۋلىق ساقتاۋ مينيسترلىگىنىڭ سوڭعى مالىمەتىنشە سۋ تاسقىنى باسقان وڭىرلەردە 1 مىڭعا جۋىق بالا ۋاقىتشا ورنالاسۋ پۋنكتتەرىنە جەتكىزىلدى.
«بالالارعا مەديتسينالىق كومەككە كەلەتىن بولساق، ۋاقىتشا ورنالاستىرۋ پۋنكتتەرىندە 990 بالا بار. دارىگەرلەر ۇنەمى تەكسەرىپ، ءار بالانىڭ دەنساۋلىعىن باقىلاۋدا. دەنساۋلىق ساقتاۋ مينيسترلىگى، سونداي-اق بارشا مەديتسينا قىزمەتكەرى الداعى ۋاقىتتا دا حالقىمىزدىڭ دەنساۋلىعى ءۇشىن جۇمىس ىستەپ، قيىن-قىستاۋ كەزەڭدە مۇقتاج جاندارعا كومەك پەن قولداۋ كورسەتۋدى جالعاستىرا بەرمەك»، - دەدى مينيسترلىكتىڭ رەسمي وكىلى ايگەرىم ۋرازاليەۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
مينيسترلىك وكىلىنىڭ مالىمدەۋىنشە، سانيتارلىق- ەپيدەميولوگيالىق ماسەلە دە ۆەدومستۆونىڭ تۇراقتى باقىلاۋىندا. سۋمەن جابدىقتاۋ نىساندارى، كارىزدەرگە جانە زيراتتارعا مونيتورينگ كۇشەيتىلگەن.