سۋ تاسقىنى: اقتوبەنىڭ ىرعىز اۋدانىندا 51 وتباسى باسپانالى بولدى

اقتوبە. KAZINFORM - ىرعىز اۋدانىنىڭ ورتالىعىندا 51 ءۇي قولدانىسقا بەرىلدى. ال نۇرا اۋىلىندا 63 ءۇيدىڭ قۇرىلىسى ءالى جالعاسىپ جاتىر.

اقتوبە وبلىسى ىرعىز اۋدانىنىڭ ورتالىعىندا 51 ءۇي سالىنىپ ءبىتتى. بۇگىن 51 وتباسى جانا ءۇيدىڭ كىلتىن الدى.

يلەردىڭ ءبارى 80 شارشى مەتر ءارى ءبىر ۇيدەگى قىزىل كىرپىشتەن سالىندى.

- مەملەكەت باسشىسىنىڭ تاپسىرماسىمەن اقتوبە وبلىسىندا سۋ تاسقىنىنان زارداپ شەككەن وتباسىلارعا قاجەتتى كومەك كورسەتىلىپ جاتىر. ءبىرىنشى جانە قايتالاما نارىقتاعى پاتەرلەردى ساتىپ الدىق. جانە دە 500 تۇرعىن ءۇي سالىپ جاتىرمىز. بۇل رەتتە تابيعي اپاتتان جاپا شەككەندەردى باسپانامەن قامتۋعا دەمەۋشىلىك قولداۋ جاساپ جاتقان ەلىمىزدەگى ءىرى كومپانيالارعا، كاسىپكەرلەرگە العىسىمىزدى بىلدىرەمىز. بۇگىن، مىنە، ىرعىز اۋىلىنان 51 ءۇيدى سىزدەردىڭ يگىلىكتەرىڭىزگە بەرىپ جاتىرمىز. جاڭا قونىس يەلەرىن شىن جۇرەكتەن قۇتتىقتايمىن، - دەدى اقتوبە وبلىسى اكىمىنىڭ ورىنباسارى اسىلبەك ەسەنبايەۆ.

اقتوبە وبلىسى اكىمىنىڭ باسپا ءسوز قىزمەتىنىڭ حابارلاۋىنشا، اۋداندا تاسقىننان كەيىن بارلىعى 120 ءۇي سالۋعا شەشىم قابىلدانعان.

16 مەردىگەر كومپانيا ىرعىزدا – 51، نۇرا اۋىلىنىڭ سارىوبا جەرىندە – 63، مامىردا - 6 سالۋدى مىندەتتەرىنە العان.

ۇيلەردى سالۋعا «ERG» كومپانياسى دەمەۋشىلىك ەتتى. سونداي-اق 41 ىرعىزدىق ەكىنشى نارىقتان ءۇي ساتىپ السا، 7 وتباسىعا باسپانالارىن جوندەۋگە قارجى ءبولىندى.

ەسكە سالساق، وتكەن اپتادا قوبدا اۋدانىندا 117 ءۇي قولدانىسقا بەرىلدى.

اقتوبە وبلىسىنىڭ اكىمى بارلىق قۇرىلىس جۇمىسى ەكى اپتادا اياقتالاتىنىن ايتتى.