سۋ تاسقىنى: اقتوبەدە تاعى 100 وتباسىن باسپانامەن قامتۋ ماقۇلداندى
اقتوبە. KAZINFORM - اقتوبە وبلىسىنىڭ اكىمدىگى 750 مىڭ تەڭگە، وتباسى بانك 750 مىڭ تەڭگە ءبولىپ، سۋ تاسقىنىنان زارداپ شەككەن وتباسىلاردىڭ باسپانالى بولۋىنا تاعى ءبىر مۇمكىندىك بەرىلدى.
بۇل تۋرالى وبلىستىق ءماسليحاتتىڭ كەزەكتى ون ءتورتىنشى سەسسياسىندا ايتىلدى.
سۋ تاسقىنى كەزىندە اقتوبە وبلىسى بويىنشا مىڭنان استام ءۇي جارامسىز بولىپ قالدى. قازىرگى كەزدە 511 ءۇي سالىنىپ جاتىر. وزگەسى دايىن ءۇي ساتىپ الادى.
سونىمەن بىرگە بۇگىن وبلىستىق ءماسليحاتتىڭ كەزەكتى ون ءتورتىنشى سەسسياسىندا وبلىس اكىمدىگى مەن وتباسى بانك اراسىنداعى كەلىسىم تۋرالى ايتىلدى. دەپۋتاتتار ونىڭ ەرەجەسىن سۇرادى.
- سۋ تاسقىنىنان زارداپ شەككەن اعايىندارىمىزعا وبلىستىق بيۋدجەتتەن 750 مىڭ تەڭگە، وتباسى بانكىنەن تاعى 750 مىڭ تەڭگە، ەكەۋىن قوسقاندا 1,5 ميلليارد تەڭگە ءبولىنىپ، 100 وتباسىنا قۇنى 15 ميلليون تەڭگە تۇراتىن ءۇي ساتىپ الۋعا ءوتىنىش جاساعان ەدىم. وعان قولداۋ بولدى. ەندى سول باسپانانى الۋ ەرەجەسى بەكىدى مە؟ ادىلەت دەپارتامەنتىنەن تىركەۋدەن ءوتتى مە؟ شارتتارى تۋرالى اقپارات كەرەك، - دەدى اقتوبە وبلىستىق ءماسليحات دەپۋتاتى مارات قويلىبايەۆ.
اقتوبەدە الداعى ۋاقىتتا تاسقىن كەزىندە ءۇيى زارداپ شەككەن 100 وتباسىنا ءۇي الۋعا مۇمكىندىك جاسالادى.
- ءبىر قارىز الۋشىعا ەڭ كوپ دەگەندە 15 ميلليون تەڭگە بەرىلەدى. نەسيەلەۋ ستاۆكاسى - %5. باستاپقى جارنا سوماسى - . قارىز مەرزىمى بانك تالاپتارىنا سايكەس بولادى، - دەدى اقتوبە وبلىستىق ەنەرگەتيكا جانە ت ۇ ك ش باسقارماسىنىڭ باسشىسى ارىسۇلان ايتبايەۆ.