سۋ سپورتىنان ازيا چەمپيوناتىندا ەل قورجىنىنا تاعى 2 التىن مەدال ءتۇستى

استانا. KAZINFORM - فيليپپين ەلىنىڭ نيۋ-كلارك-سيتي قالاسىندا سۋ سپورتى تۇرلەرىنەن ءوتىپ جاتقان XI ازيا چەمپيوناتىنىڭ ءۇشىنشى جارىس كۇنى قازاقستاندىق سپورتشىلار تاعى دا رەكورد جاڭارتىپ، جەڭىس تۇعىرىنا كوتەرىلدى.

انىعىن ايتار بولساق، ا توبىندا 100 مەترگە شالقالاي جۇزۋدەن ايەلدەر اراسىندا كسەنيا يگناتوۆا مەن ەرلەر اراسىندا ۆ توبىندا سىنعا تۇسكەن ەگور پوپوۆ قۇرلىق چەمپيوناتىنىڭ رەكوردىن جاڭارتىپ، ازيا چەمپيونى اتاندى.

جارىس ناتيجەلەرى:

ءجۇزۋ. ايەلدەر. ا توبى. 100 م شالقالاي ءجۇزۋ

1-ورىن - قازاقستان - كسەنيا يگناتوۆا - 1:01.45 (ازيا چەمپيوناتىنىڭ رەكوردى)

2-ورىن - ءۇندىستان - 1:04.14

3-ورىن - تايلاند - 1:04.44

ءجۇزۋ. ەرلەر. ۆ توبى. 100 م شالقالاي ءجۇزۋ

1-ورىن - قازاقستان - ەگور پوپوۆ - 56.00 (ازيا چەمپيوناتىنىڭ رەكوردى)

2-ورىن - ءۇندىستان - 57.33

3-ورىن - تايپەي - 57.71.

ايتا كەتەيىك، كەشە قازاقستان قۇراماسىنىڭ سپورتشىلارى ءۇش رەت رەكورد ورناتىپ، قارسىلاستارىن شاڭ قاپتىرعان بولاتىن. ناتيجەسىندە ءبىر كۇندە 8 التىن ولجالاعان ەدى.

اۆتور كۇنسۇلتان وتارباي