س ق و: پوليتسيا قىزمەتكەرىن قاعىپ ءولتىرىپ كەتكەن كولىك جۇرگىزۋشىسى تابىلماي جاتىر
پەتروپاۆل. KAZINFORM - سولتۇستىك قازاقستان وبلىسىنداعى رەسپۋبليكالىق ماڭىزى بار «چەليابى- نوۆوسىبىر» اۆتوجولىندا بەلگىسىز بىرەۋ پوليتسيا قىزمەتكەرىن كولىكپەن قاعىپ كەتىپ، وقيعا ورنىنان ءىزىن جاسىرعان.
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وقيعا 28-ءساۋىر كۇنى تۇندە بولعان. پەتروپاۆل سىرتىندا پوليتسيانىڭ 48 جاستاعى قىزمەتكەرىن كولىك سوعىپ، سالدارىنان ەر ادام العان جاراقاتتارىنان سول جەردە قايتىس بولدى.
كولىك جۇرگىزۋشىسى جول-كولىك اپاتى بولعان جەردەن قاشىپ كەتكەن. قازىرگى ۋاقىتتا جەدەل-ىزدەستىرۋ جۇمىستارى جۇرگىزىلىپ جاتىر.
«جول قوزعالىسى نەمەسە كولىك قۇرالدارىن باسقاراتىن ادامداردىڭ كولىك قۇرالدارىن پايدالانۋ ەرەجەلەرىن بۇزۋ سالدارىنان ابايسىزدا ادامنىڭ ولىمىنە اكەپ سوقتىرعان فاكتى بويىنشا قىلمىستىق ءىس قوزعالدى»، - دەلىنگەن باسپا ءسوز قىزمەتى تاراتقان حابارلامادا.
بۇعان دەيىن س ق و-دا جەكە كۇزەت قۇرامالارىنىڭ كومەگىمەن 6 قىلمىستىڭ اشىلعاندىعىن جازعان ەدىك.
اۆتور
اقەركە داۋرەنبەك قىزى