س ق و-دا قاتەرلى ىسىككە شالدىققانداردىڭ قۇقىعى بۇزىلىپ كەلگەن

 پەتروپاۆل. KAZINFORM - سولتۇستىك قازاقستان وبلىسىنىڭ پروكۋرورلارى دەنساۋلىق ساقتاۋ سالاسىنا تالداۋ جۇرگىزىپ، ورەسكەل زاڭ بۇزۋشىلىققا جول بەرىلگەنىن انىقتادى.

ماسەلەن، ونكولوگيالىق دەرتكە شالدىققانداردىڭ قۇقىعى بۇزىلعان. س ق و پروكۋراتۋراسىنىڭ مالىمەتىنشە، مەديتسينالىق ۇيىمدار الەۋمەتتىك كودەكستىڭ تالاپتارىنا قايشى، مۇگەدەكتىكتى انىقتاۋ ءۇشىن وسى ساناتتاعى 100 دەن استام ازاماتتى مەديتسينالىق-الەۋمەتتىك ساراپتاماعا جىبەرمەگەن.

قاداعالاۋ ورگانىنىڭ اكىسىنەن كەيىن بۇل ازاماتتارعا مۇگەدەكتىك بەلگىلەندى، ەندى ولاردىڭ الەۋمەتتىك قولداۋدىڭ بارلىق ءتيىستى تۇرلەرىن پايدالانىپ، مەملەكەتتىك الەۋمەتتىك جاردەماقى الۋعا مۇمكىندىگى بار.

زاڭ بۇزعانى ءۇشىن 2 لاۋازىمدى تۇلعا جاۋاپكەرشىلىككە تارتىلدى.

بۇعان دەيىن مەملەكەتتىك ەڭبەك ينسپەكتورلارى 28,7 مىڭنان استام جۇمىسشىنىڭ ەڭبەكاقىسىن الىپ بەرگەنىن جازعان ەدىك.