س ق و-دا ءيت قاپقان ادامداردىڭ سانى ارتتى

پەتروپاۆل. KAZINFORM - سولتۇستىك قازاقستان وبلىسىندا ءيت قاۋىپ، دارىگەرگە قارالعان ادامداردىڭ سانى ارتتى. سانيتار دارىگەرلەر مۇنى سۋ تاسقىنىمەن بايلانىستىرىپ وتىر.

س ق و سانيتاريالىق- ەپيدەميولوگيالىق باقىلاۋ دەپارتامەنتى اسا قاۋىپتى ينفەكسيالار مەن تۋبەركۋلەزدى ەپيدەميولوگيالىق قاداعالاۋ ءبولىمىنىڭ باسشىسى يۋليا گايسينانىڭ ايتۋىنشا، جىل باسىنان بەرى وڭىردە ءيت-مىسىقتان، جابايى جانۋارلاردان زارداپ شەككەن 236 ادام دارىگەرگە قارالعان. بۇل وتكەن جىلدىڭ ۇقساس كەزەڭىمەن سالىستىرعاندا ,8 كوپ.

«زارداپ شەككەندەردىڭ 155 ىن نەمەسە e,7 ءيت قاپقان، 69 ادام نەمەسە ),2 مىسىقتان زارداپ شەككەن، ءبىر ادامدى تۇلكى قاپسا، 6 ادامدى جىلقى تىستەپ العان. سونداي-اق 5 ادام تىشقاندار مەن ەگەۋقۇيرىقتاردان زارداپ شەكتى.

انتيرابيالىق كومەككە جۇگىنۋ ايىرتاۋ اۋدانىندا 11 جاعدايعا، اقجار اۋدانىندا 5 جاعدايعا، ع. مۇسىرەپوۆ اۋدانىندا 18 جاعدايعا، ەسىل اۋدانىندا 7 جاعدايعا، م. جۇمابايەۆ اۋدانىندا 3 جاعدايعا جانە تايىنشا اۋدانىندا 6 جاعدايعا ارتىپ وتىر»، - دەيدى يۋليا گايسينا.

ماماننىڭ ايتۋىنشا، بارلىق جاعدايلار بويىنشا ەپيزووتولوگو-ەپيدەميولوگيالىق تەرگەۋ جۇرگىزىلدى. ءوتىنىش بىلدىرگەندەردىڭ ىشىنەن 236 ادام ەكپە الدى.

سونداي-اق، سۋ تاسقىنى كەزىندە پەتروپاۆلداعى كوپسالالى قالالىق اۋرۋحانانىڭ تراۆماتولوگيالىق پۋنكتىنە انتيرابيالىق كومەك الۋ ءۇشىن 14 ۆولونتەر مەن قۇتقارۋشى جۇگىنگەن. ولاردى ۋاقىتشا ۇستاۋ پۋنكتتەرىندەگى يتتەر قاۋىپ العان.

«قولدانىستاعى ەرەجەلەرگە سايكەس يتتەردى بايلاپ نەمەسە قورشاۋدا ۇستاۋ كەرەك، سەرۋەندەۋگە قارعىباۋمەن جانە تۇمىلدىرىقپەن شىعارۋ قاجەت. بۇل ءۇي جانۋارلارىنىڭ قاڭعىباس يتتەرمەن جانە اۋرۋ جابايى جانۋارلارمەن بايلانىسىنا جول بەرمەۋ ءۇشىن كەرەك. بارلىق يتتەر قۇتىرما اۋرۋىنا قارسى ەگىلۋى كەرەك.

ويتكەنى س ق و قۇتىرما اۋرۋىنىڭ تابيعي وشاعى ايماعىندا ورنالاسقان. اسىرەسە قىسقى-كوكتەمگى كەزەڭدە ەپيزووتيالىق بەلسەندىلىك بايقالادى، بۇل كەزدە قاۋىپتى ۆيرۋستى جابايى جانۋارلار ءيت- مىسىق، اۋىلشارۋاشىلىق جانۋارلارىنا جۇقتىرىپ، سالدارىنان ادامداردىڭ اۋىرۋ قاۋپى ارتادى»، - دەيدى سانيتار دارىگەر.

س ق و-دا قۇتىرما اۋرۋى 1998 -جىلدان بەرى تىركەلمەگەن.

«قۇتىرما اۋرۋى - ورتالىق جۇيكە جۇيەسىنە اسەر ەتەتىن ۆاكسينامەن باقىلاناتىن زوونوزدى ۆيرۋستىق اۋرۋ. كلينيكالىق سيمپتومدارى پايدا بولعان جاعدايدا 0 ولىممەن اياقتالادى. قۇتىرما ۆيرۋسىن ادامدار � يتتەن جۇقتىرادى. ينفەكسيا ادامدار مەن جانۋارلارعا سىلەكەي، ادەتتە قاپقان كەزدە نەمەسە جارالارعا، شىرىشتى قاباتتار - مىسالى، كوز، اۋىز قۋىسىنا ءتۇسۋ ارقىلى جۇعادى.

قۇتىرماعا قارسى ەم جوق. اۋرۋدى تەك ۆاكسيناتسيا ارقىلى بولدىرماۋعا بولادى. پروفيلاكتيكالىق ەگۋلەر جەڭىل وتەدى. ۆاكسيناتسيا كەزىندە دارۋمەندەر مەن اقۋىزدارعا باي تاماق ءىشىپ، گيپوتەرميادان، ىستىقتاۋدان، دەنەگە شامادان تىس سالماق سالۋدان اۋلاق بولۋ كەرەك، سونىمەن قاتار الكوگولدىك ىشىمدىكتەردى تۇتىنۋدان باس تارتقان ءجون»، - دەيدى يۋليا گايسينا.

ماماننىڭ ايتۋىنشا، ءيت قاپقان جاعدايدا ءتىسى تيگەن جەردى دەرەۋ سابىنمەن جانە سۋمەن كەم دەگەندە 15-20 مينۋت بويى جۋۋى كەرەك، جارانىڭ شەتىن p سپيرتپەن نەمەسە %5 يود تۇنباسىمەن وڭدەپ، قۇتىرماعا قارسى ۆاكسينا قويدىرۋ ءۇشىن مەديتسينالىق مەكەمەگە مۇمكىندىگىنشە ەرتەرەك جۇگىنۋ كەرەك. ەكپە تەگىن جاسالادى.

اۆتور

اقەركە داۋرەنبەك قىزى