س ق و-دا ءۇش اۋدان مەن پەتروپاۆلدى سۋ باسۋ قاۋپى بار

استانا. KAZINFORM - سولتۇستىك قازاقستان وبلىسىنداعى سۋ تاسقىنى جاعدايى وتە كۇردەلى. اتالعان ايماقتاعى قازىرگى جاعداي تۋرالى وبلىس اكىمىنىڭ ورىنباسارى قانات دۇزەلبايەۆ مالىمدەدى.

«وبلىستاعى سۋ تاسقىنى جاعدايى وتە كۇردەلى، تۇراقتى مونيتورينگ جۇرگىزىلۋدە. سەرگەيەۆ سۋ قويماسىنىڭ تولىمدىلىعى

تاڭعى 8:00-دە 163 پايىزدى قۇرادى. ەسىل وزەنىنىڭ جاعالاۋىندا قاۋىپ، كەدەرگى بايقالمايدى، سۋ قويماسىنداعى اعىن 355 س م قۇرايدى، ءبىراق سۋ تاسقىنى شەگىنە جەتكەن جوق»، - دەدى قانات دۇزەلبايەۆ و ك ق-دە وتكەن بريفينگىدە.

سونداي-اق، اكىم ورىنباسارى، 2017 -جىلى وڭىردە سۋدىڭ كوتەرىلۋ كورسەتكىشى 338 س م بولعانىن ەسكە سالدى.

«بولجام بويىنشا سۋدىڭ كوتەرىلۋى 4 مەترگە دەيىن جەتەدى. بۇل وبلىستىڭ 3 اۋدانى مەن پەتروپاۆل قالاسىن سۋ باسۋ ءقاۋپىن تۋدىرادى. سۋ باسۋ ايماعىنا 845 تۇرعىن ءۇي مەن 5 مىڭ ساياجاي كىرەدى. تاسقىن سۋ وبلىس ورتالىعىنا 7-8 كۇندە جەتەدى دەپ كۇتىلۋدە. وبلىستاعى 13 اۋداننىڭ 8 ىندە جاعداي قيىن. قار جامىلعىسى 38 دەن P عا دەيىنگى دەڭگەيدە، 262 ەلدى مەكەندى سۋ باسۋ قاۋپى ساقتالۋدا»، - دەپ تولىقتىردى ق. دۇزەلبايەۆ.