س ق و-دا ارا شاققان ەر ادام ءولىم اۋزىنان قالدى

پەتروپاۆل. KAZINFORM - سولتۇستىك قازاقستان وبلىسىندا 62 جاستاعى ەر ادامدى ارا شاعىپ، جانساقتاۋ بولىمىنە ءتۇستى.

پەتروپاۆل قالالىق كوپبەيىندى جەدەل مەديتسينالىق جاردەم اۋرۋحاناسىنىڭ مالىمەتىنشە، ەر ادام ەمدەۋ مەكەمەسىنە جەتكىزىلگەن كەزدە قان قىسىمى 80/40 بولعان. ول توڭىپ، قالتىراپ، ءالى قۇرىپ، باسىنىڭ اينالعانىنا جانە ارا شاققان جەردىڭ قىزارىپ كەتكەنىنە شاعىمدانعان.

سىرقاتتىڭ ايتۋىنشا، ول دوسىنىڭ ومارتاسىنا بارعاندا ارا شاققان. جاندىكتىڭ بىزگەگىن ءوزى الىپ تاستاعان، ءبىراق كوپ ۇزاماي دەنساۋلىق جاعدايى قيىنداي تۇسكەن.

مەديتسينا قىزمەتكەرلەرى انافيلاكتيكالىق شوكتىڭ بەلگىلەرىن تانىپ، جەدەل جاردەم شارالارىن قابىلدادى: ەر ادامعا بىردەن ادرەنالين مەن گورموندار ەگىلدى، كەزەكشى رەانيماتولوگ شاقىرىلدى. سىرقات رەانيماتسيا بولىمىنە شۇعىل جاتقىزىلدى.

- ەر ادام باسىندا اۋرۋحاناعا جاتۋدان باس تارتتى، الايدا وعان بۇل جاعدايدىڭ قاۋىپتىلىگىن ءتۇسىندىرىپ، جاتۋعا كوندىردىك. قازىر جاعدايى تۇراقتالدى، تەراپيا بولىمىنە اۋىستىرىلىپ، ەم الىپ جاتىر. ارا شاققاننان اللەرگيالىق رەاكسيا بەرىپ، سىرقات انافيلاكتيكالىق شوك العان. ءبىر عانا جاندىكتىڭ شاققانى ومىرگە قاۋىپ توندىرەتىن رەاكسيا بەرۋى مۇمكىن. سوندىقتان العاش بەلگىلەر پايدا بولعان جاعدايدا ۋاقىت جوعالتپاي، جەدەل جاردەم شاقىرىڭىز، - دەيدى اۋرۋحانا دارىگەرلەرى.

بۇعان دەيىن س ق و- دا مەدبيكە ەكى بالانىڭ ولىمىنە قاتىستى سوتتالعانىن جازعان ەدىك.