سۋ دوبىنان قازاقستان قىزدارى قىتايدان جەڭىلدى

استانا. KAZINFORM - فيليپپين ەلىنىڭ نيۋ-كلارك-سيتي قالاسىندا ءوتىپ جاتقان سۋ سپورتى تۇرلەرىنەن ءار ءتۇرلى جاس ساناتىنداعى XI ازيا چەمپيوناتىندا سۋ دوبىنان سىنعا تۇسكەن قازاقستان قىزدار قۇراماسى قىتاي قۇراماسىنان 9:14 ەسەبىمەن جەڭىلدى.

بۇل سىندا ءبىزدىڭ كوماندا ساپىنان الينا وزكايا، يانا مارتىنوۆا، اريادنا زاتىلنيكوۆا، يانا سمولينا، دارينا سەمبەك، يۋليا درۋجينينا مەرگەندىگىمەن كوزگە ءتۇستى.

ەندى قازاقستان قۇراماسى 8- ناۋرىز كۇنى وزبەكستان، 9- ناۋرىز كۇنى تايلاند قۇراماسىمەن شەبەرلىك بايقاسادى.

ايتا كەتەيىك، اتالعان سارىقۇرلىق دوداسىنا 45 مەملەكەتتەن 12-18 جاس ارالىعىنداعى جاس سپورتشىلار مەن ەرەسەكتەر قاتىسىپ جاتىر.

26- اقپان كۇنى باستالعان ازيا چەمپيوناتى 9- ناۋرىز كۇنى مارەسىنە جەتەدى.

اۆتور كۇنسۇلتان وتارباي