س ءى م ءتولقۇجاتىن نيگەر اسكەريلەرى تاركىلەگەن قازاقستاندىقتار تۋرالى پىكىر ءبىلدىردى

  استانا. KAZINFORM - سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءتولقۇجاتىن نيگەر اسكەريلەرى تاركىلەگەن قازاقستاندىقتار تۋرالى پىكىر ءبىلدىردى.

«ءبىزدىڭ قازاقستاننىڭ ازاماتتارى نيگەردە قاماۋعا الىندى دەگەن اقپارات تاراپ جاتىر. ول شىندىققا جاناسپايدى. ويتكەنى، ءبىزدىڭ ازاماتتارىمىز سول ەلدە قالىپ تۇر، ءبىراق ءوز ەركىمەن ارى- بەرى جۇرە الادى. تەك قانا پاسپورتتارىن الىپ قويعان»، - دەدى ايبەك سمادياروۆ.

ونىڭ ايتۋىنشا، قازىر ديپلوماتتار بۇل ماسەلەنى شەشۋگە بارىنشا كۇش سالىپ جاتىر.

«نيگەر استاناسى نيامەي قالاسىندا ازاماتتارىمىزدىڭ ۇستالعانى تۋرالى اقپاراتتى العاننان كەيىن، 9-12-قاڭتار كۇندەرى قازاقستاننىڭ مىسىرداعى كونسۋلى نيگەر استاناسىنا بارىپ، وندا سىرتقى ىستەر جانە ىشكى ىستەر مينيسترلىكتەرىنىڭ وكىلدەرىمەن، سونداي- اق، وسى ەلدىڭ قارۋلى كۇشتەرى باس شتابىنىڭ باسشىلىعىمەن كەزدەسۋلەر وتكىزدى.

وزدەرىڭىز بىلەتىندەي، 2023-جىلدىڭ شىلدەسىندە بۇل ەلدە بولعان بارلىق وقيعالارعا، ياعني، اسكەري توڭكەرىسكە بايلانىستى نيگەردىڭ مەملەكەتتىك ورگاندارىمەن ءوزارا ارەكەتتەسۋدە كەيبىر قيىنشىلىقتار تۋىنداپ وتىر. ءبىزدىڭ ديپلوماتتار نيگەردىڭ ءتيىستى ورگاندارىنا رەسمي ساۋالدار جولدادى جانە ءوز قۇزىرەتى شەگىندە وتانداستىرىمىزدى قازاقستانعا قايتارۋ بويىنشا شارالار قابىلداۋدا.

سونىمەن قاتار، ءبىزدىڭ ازاماتتارىمىز قاماۋعا الىنباعان، ءجۇرىپ-تۇرۋىنا شەكتەۋ قويىلماعان، ەكەۋى دە قوناقۇيدە تۇرادى. ءبىراق جەرگىلىكتى اسكەريلەر ولاردىڭ ءتولقۇجاتتارىن تاركىلەپ العان. قازىر وسى ماسەلەنى شەشۋ ءۇشىن بار كۇشىمىزدى سالىپ جاتىرمىز»،-دەدى ايبەك سمادياروۆ.