س ءى م ءۇندىستان مەن پاكىستان اراسىنداعى جاعدايدىڭ شيەلەنىسۋىنە بايلانىستى مالىمدەمە جاسادى
استانا. KAZINFORM - قازاقستان رەسپۋبليكاسى سىرتقى ىستەر مينيسترلىگى ءۇندىستان رەسپۋبليكاسى مەن پاكىستان يسلام رەسپۋبليكاسى اراسىنداعى جاعدايدىڭ شيەلەنىسۋىنە بايلانىستى مالىمدەمە جاسادى.
قازاقستان رەسپۋبليكاسىنىڭ سىرتقى ىستەر مينيسترلىگى ءۇندىستان رەسپۋبليكاسى مەن پاكىستان يسلام رەسپۋبليكاسى اراسىنداعى جاعدايدىڭ شيەلەنىسۋىنە بايلانىستى تەرەڭ الاڭداۋشىلىق بىلدىرەدى.
- بارلىق مۇددەلى تاراپتى ودان ءارى شيەلەنىسكە جول بەرمەۋ ءۇشىن بارىنشا ۇستامدىلىق كورسەتۋگە شاقىرامىز. قازاقستان حالىقارالىق جانە وڭىرلىك قاقتىعىستاردى حالىقارالىق قۇقىق نورمالارى مەن ب ۇ ۇ جارعىسىنىڭ قاعيداتتارىنا سايكەس تەك ساياسي-ديپلوماتيالىق جولمەن رەتتەۋدى جاقتايدى، - دەلىنگەن س ءى م مالىمدەمەسىندە.
سىرتقى ىستەر ءمينيسترىنىڭ ءبىرىنشى ورىنباسارى اقان راحمەتۋللين ءۇندىستان مەن پاكىستان اۋماعىنداعى قازاقستان ازاماتتارىن قاۋىپسىز جەرگە كوشىرۋگە قاتىستى تۇسىنىك بەرگەن ەدى.
ايتا كەتەلىك ءۇندىستاننىڭ پاكىستانعا جاساعان اۋە شابۋىلىنان قازا تاپقاندار سانى 31 ادامعا جەتكەن ەدى.