سۋ باسقان ۇيلەردەگى دۇنيە-مۇلىك وتەلە مە - مينيستر جاۋابى

استانا. KAZINFORM - ءۇيىن سۋ باسقان تۇرعىنداردىڭ دۇنيە-مۇلكى، جيھاز، باسقا دا زاتتار قالاي وتەلەدى؟ بۇل ساۋالعا ونەركاسىپ جانە قۇرىلىس ءمينيسترى قانات شارلاپايەۆ جاۋاپ بەردى.

«اقتوبە وبلىسىنىڭ قوبدا اۋىلىندا قۇرىلىس جۇمىستارى باستالدى. وندا ينفراقۇرىلىم تارتىلىپ، 87 ءۇي سالىنا باستادى. مۇمكىن كەڭەيەتىن شىعارمىز، ويتكەنى زارداپ شەككەن ۇيلەر كوپتەۋ»، - دەدى قانات شارلاپايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.

ءمينيستردىڭ ايتۋىنشا، قۇرىلىس جۇمىستارىنىڭ قارقىنى سۋ تاسقىنىنىڭ دەڭگەيىنە بايلانىستى.

«ەڭ قاجەتتى، كەيبىر زاتتاردى ساتىپ الامىز. سۋ تاسقىنى سەيىلگەن ايماقتاردا تۇرعىن ءۇي سالۋ ءۇشىن جەر ۋچاسكەلەرىن قاراستىرامىز. اقتوبە وبلىسى بويىنشا C جەر ۋچاسكەسى ناقتىلانىپ، دايىندالدى. قوستاناي وبلىسىندا دا ءبىراز جەر ۋچاسكەسى دايىن، ينفراقۇرىلىممەن شامامەن 0 قامتىلعان. بۇل جۇمىستاردى جەرگىلىكتى اكىمدىكتەر جۇرگىزۋدە، ەڭ باستىسى ۇيلەر سالىنعان جەر ۋچاسكەلەرىن قايتا سۋعا كەتپەۋى جاعىن ويلاستىرۋىمىز كەرەك»، - دەيدى ول.

بۇعان دەيىن مينيستر ىسىنە جاۋاپتى جانە زاڭعا قاتاڭ باعىناتىن قۇرىلىس كومپانيالارىنا قويىلاتىن تالاپتاردىڭ جەڭىلدەيتىنىن ايتقان ەدى.

سونداي-اق، ق. شارلاپايەۆ مامىردا جاڭا يپوتەكالىق تۇرعىن ءۇي باعدارلاماسىنىڭ ىسكە قوسىلاتىنىن مالىمدەدى.

ودان بولەك، اتالعان ۆەدومستۆو باسشىسى ءۇيىن سۋ باسقان تۇرعىنداردىڭ شىعىنى قالاي وتەلەتىنىن ءتۇسىندىردى.