وتانداستارىمىز الەمدەگى ەڭ مىقتى، ايگىلى كوماندا - قىتاي قۇراماسىنا عانا ەسە جىبەرىپ، ۇلكەن ناتيجە كورسەتتى.
پرەزيدەنت قۇتتىقتاۋىندا داڭقتى شاحماتشى ءبيبىسارا اساۋبايەۆا باستاپ بارعان قازاقستان قۇراماسى بەدەلدى ءتۋرنيردىڭ بىردە- ءبىر ويىنىندا جەڭىلمەگەنىن اتاپ ءوتتى.
مۇنى شاحمات ساراپشىلارى ۇلكەن جەتىستىك رەتىندە باعالاپ وتىر. سونىمەن قاتار قاسىم-جومارت توقايەۆ ءبىزدىڭ شاحمات شەبەرلەرى وتكەن وليمپياداداعى تابىستى جولىن جالعاستىرعانىنا نازار اۋداردى.
- قازاقستان كومانداسى سول كەزدە دە ەكىنشى ورىنعا تابان تىرەگەن ەدى. بۇل سپورتشىلارىمىزدىڭ دەڭگەيى بيىك، تالانتتى، ەڭبەكقور ەكەنىن، سونداي-اق وتانشىلدىقتى ناقتى ىسپەن دالەلدەي الاتىنىن كورسەتەدى. مەملەكەت باسشىسى شاحماتشى ارۋلارىمىزعا تولايىم تابىس، زور دەنساۋلىق جانە باق-بەرەكە تىلەدى، - دەلىنگەن حابارلامادا.
وسىعان دەيىن قازاقستان شاحماتشىلارى وليمپيادادا ۇزدىك ۇشتىككە كوتەرىلگەنى تۋرالى جازدىق.