- جالپى ۇلتتىق ءىس-شارالار جوسپارىنىڭ جوباسى جولداۋدىڭ نەگىزگى باعىتتارى مەن مەملەكەت باسشىسىنىڭ باستامالارى اياسىندا قويىلعان مىندەتتەردى ساپالى ءارى جەدەل شەشۋگە باعىتتالىپ وتىر. ۇكىمەت ماكروەكونوميكالىق تۇراقتىلىقتى قامتاماسىز ەتۋ، ونەركاسىپ پەن اگروونەركاسىپ كەشەنىن دامىتۋ، كولىك جانە ەنەرگەتيكا ينفراقۇرىلىمىن جاڭعىرتۋ، الەۋمەتتىك قولداۋدىڭ تيىمدىلىگىن ارتتىرۋ، سونداي- اق مەملەكەتتىك باسقارۋ جۇيەسىن جەتىلدىرۋ ماسەلەلەرىنە باسا ءمان بەرۋى كەرەك، - دەدى پرەمەر-مينيستر ولجاس بەكتەنوۆ.
ونىڭ ايتۋىنشا، اكىمدىكتەر وڭىرلەردەگى ينفراقۇرىلىمدىق جوبالاردى ساپالى جۇزەگە اسىرىپ، الەۋمەتتىك نىسانداردىڭ قۇرىلىسىن، سۋ رەسۋرستارىن ءتيىمدى پايدالانۋدى قامتاماسىز ەتۋگە ءتيىس.
- زاڭ جوبالارىن ۋاقتىلى ازىرلەپ، قۇرىلتاي قاراۋىنا ەنگىزۋ قاجەت. جوسپاردىڭ ءاربىر تارماعىن قارجىلاندىرۋ ماسەلەسىن مۇقيات پىسىقتاڭىزدار. باستى مىندەت - ءىس-شارالاردىڭ بارلىعىن ءتيىمدى ءارى دەر كەزىندە ورىنداۋ. ورىنباسارلارىما بەكىتىلگەن مىندەتتەرگە سايكەس ءاربىر تارماقتىڭ جۇزەگە اسىرىلۋىن باقىلاپ، ۇيلەستىرۋدى تاپسىرامىن، - دەدى ۇكىمەت باسشىسى.