استانا. KAZINFORM - مادەنيەت جانە ونەر قىزمەتكەرلەرى كۇنىنە وراي ق ر پرەمەر-ءمينيسترىنىڭ ورىنباسارى-مادەنيەت جانە اقپارات ءمينيسترى ايدا بالايەۆا مەملەكەت باسشىسىنىڭ اتىنان «ديماشالي» شىعارماشىلىق ورتالىعىنىڭ جەتەكشىسى، كومپوزيتور، پروديۋسەر، مۋزىكانت قانات ايتبايەۆقا «پاراسات» وردەنىن تابىستادى.
ايدا بالايەۆا قانات ايتبايەۆتىڭ وتاندىق مادەنيەت پەن ونەردى دامىتۋداعى ەلەۋلى ەڭبەگىن، سونداي-اق قازاقستاندىق مۋزىكا ونەرىن قولداۋ جانە كەڭىنەن ناسيحاتتاۋ جولىنداعى ۇلەسىن ەرەكشە اتاپ ءوتتى.
«پاراسات» وردەنى عىلىم، مادەنيەت، ادەبيەت پەن ونەر سالالارىن دامىتۋعا سىڭىرگەن ايرىقشا ەڭبەگى، سونداي-اق ەلدىڭ رۋحاني جانە زياتكەرلىك الەۋەتىن نىعايتۋعا قوسقان ۇلەسى ءۇشىن بەرىلەدى.
Фото: Мәдениет және ақпарат министрлігіايتا كەتەيىك، قانات ايتبايەۆ جەكە جاعدايىنا بايلانىستى بۇعان دەيىن مادەنيەت جانە ونەر قىزمەتكەرلەرى كۇنىنە وراي وتكەن سالتاناتتى ماراپاتتاۋ راسىمىنە قاتىسا الماعان بولاتىن.
ايتا كەتەيىك، 2026-جىلعا ارنالعان مادەنيەت سالاسىنداعى مەملەكەتتىك ستيپەنديالاردى تاعايىنداۋ كونكۋرسىنا قۇجات قابىلداۋ باستالدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.