پرەزيدەنتتىك ارناۋلى ادەبي سىيلىعىنا ءوتىنىش قابىلداۋ جالعاسۋدا

 استانا. KAZINFORM - جاس جازۋشىلار مەن اقىندار ءۇشىن پرەزيدەنتتىك ارناۋلى ادەبي سىيلىعىنا وتىنىمدەر قابىلداۋ جالعاسۋدا، دەپ حابارلايدى ق ر مادەنيەت جانە اقپارات مينيسترلىگىنىڭ باسپا ءسوز قىزمەتى.

ادەبي سىيلىققا 18-35 جاسقا دەيىنگى قالامگەرلەر بۇرىن حالىقارالىق جانە ۇلتتىق بايقاۋلارعا قاتىسپاعان تۋىندىلارىمەن ۇمىتكەر بولا الادى.

سىيلىق «پروزا»، «پوەزيا»، «دراماتۋرگيا» جانە «بالالار ادەبيەتى» دەپ اتالاتىن ءتورت نوميناتسيا بويىنشا بەرىلەدى. اۆتور تەك ءبىر نوميناتسياعا عانا قاتىسا الادى.

سىيلىقتىڭ يەگەرلەرىنە «قازاقستاندىق جاس جازۋشىلار مەن اقىندار ءۇشىن پرەزيدەنتتىك ارناۋلى ادەبي سىيلىقتىڭ لاۋرەاتى» اتاعى بەرىلەدى، سونداي-اق ديپلوم، توسبەلگى جانە 4,1 ميلليون تەڭگە كولەمىندە اقشالاي سىياقىمەن ماراپاتتالادى.

بيىل جاس جازۋشىلار مەن اقىندارعا ارنالعان پرەزيدەنتتىك سىيلىق ەكىنشى رەت بەرىلەدى. بايقاۋدىڭ ماقساتى -جاس قالامگەرلەرگە مەملەكەتتىك قولداۋ كورسەتۋ.

ءوتىنىمدى 2024 -جىلعى 31-شىلدەگە دەيىن مىنا مەكەنجايعا جولداۋ قاجەت: استانا قالاسى، ماڭگىلىك ەل داڭعىلى، 8, 13 كىرەبەرىس، ق ر مام ارحيۆ، قۇجاتتاما جانە كىتاپ ءىسى كوميتەتى، 273 كابينەت.