پرەزيدەنتتىڭ كومەكشىسى رۋسلان جەلدىباي تاشكەنتتە وزبەك پرەزيدەنتىنىڭ قىزىمەن كەزدەستى
وزبەكستان پرەزيدەنتىنىڭ قىزى ءارى پرەزيدەنتتىڭ ءبىرىنشى كومەكشىسى سايدا ميرزيەيەۆا Instagram پاراقشاسىندا قازاقستان پرەزيدەنتىنىڭ ىشكى ساياسات جانە كوممۋنيكاتسيالار جونىندەگى كومەكشىسى رۋسلان جەلدىبايمەن كەزدەسۋى تۋرالى جازدى، دەپ حابارلايدى Kazinform.
«بۇگىن ءبىز تاشكەنتكە «جاديدتەر: ۇلتتىق بىرەگەيلىك، تاۋەلسىزدىك جانە مەملەكەتتىلىك يدەيالارى» اتتى حالىقارالىق عىلىمي كونفەرەنسياعا قاتىسۋ ءۇشىن كەلگەن ق ر پرەزيدەنتىنىڭ ىشكى ساياسات جانە كوممۋنيكاتسيالار جونىندەگى كومەكشىسى رۋسلان جەلدىبايمەن كەزدەستىك. ورتالىق ازيا جاديدتەرىنىڭ ەل حالىقتارىن بىرىكتىرۋدەگى ءرولى، ولاردىڭ جاسامپازدىعى مەن ايماقتىڭ جالپى دامۋىنا قوسقان ۇلەسى تۋرالى پىكىر الماستىق. ءبىز وزبەكستان مەن قازاقستان اراسىنداعى بارلىق سالاداعى دوستىق قارىم-قاتىناستى ودان ءارى نىعايتۋ ماسەلەلەرىن ەگجەي-تەگجەيلى تالقىلادىق»، - دەدى سايدا ميرزيەيەۆا.