پرەزيدەنتتىڭ ءبىر اپتاداعى جۇمىسىنا شولۋ
اقوردا پرەزيدەنت قاسىم-جومارت توقايەۆتىڭ 16-22-قازان ارالىعىنداعى جۇمىس اپتاسىنا ۆيدەوشولۋ جاريالادى، دەپ حابارلايدى Kazinform.
اقوردا پرەزيدەنت قاسىم-جومارت توقايەۆتىڭ 16-22-قازان ارالىعىنداعى جۇمىس اپتاسىنا ۆيدەوشولۋ جاريالادى، دەپ حابارلايدى Kazinform.
اتاپ ايتقاندا، 16-قازاندا مەملەكەت باسشىسى اقىن نەسىپبەك ايت ۇلىنىڭ قازاسىنا بايلانىستى وتباسى مەن جاقىن تۋىستارىنا كوڭىل ايتۋ جەدەلحاتىن جولدادى.
وسى كۇنى پرەزيدەنت قىتاي حالىق رەسپۋبليكاسىنا رەسمي ساپارمەن باردى.
17-قاراشادا ق. توقايەۆ ق ح ر ءتوراعاسى شي جينپيڭمەن كەلىسسوز جۇرگىزدى. ق ح ر ءتوراعاسى ءوز شاقىرۋىن قابىل العانى ءۇشىن مەملەكەت باسشىسىنا العىس ايتىپ، ءوزارا ءتيىمدى ىنتىماقتاستىقتى نىعايتۋ ماڭىزدى ەكەنىن اتاپ ءوتتى. وسى كەلىسسوز ناتيجەسىندە ەكى ەلدىڭ دەلەگاتسيا مۇشەلەرى ءبىرقاتار قۇجاتقا قول قويدى.
ق ر پرەزيدەنتى بەيجىڭدە ءابۋ ناسىر ءال-فارابيگە ورناتىلعان بيۋستتى سالتاناتتى تۇردە اشتى.
كەيىن ق. توقايەۆ بەيجىڭ لينگۆيستيكالىق ينستيتۋتىندا تاعىلىمدامادان وتكەن كەزىندە وزىنە ءدارىس بەرگەن پروفەسسور ليۋ شيچينمەن اڭگىمەلەستى. «40 جىلدان كەيىن ءبىلىم العان ۋنيۆەرسيتەتىمە كەلىپ، ءوزىڭىزدى امان-ساۋ كورگەنىمە وتە قۋانىشتىمىن. مەن ءسىزدىڭ ەڭبەكقورلىعىڭىزدى، تاباندىلىعىڭىز بەن ەرىك-جىگەرىڭىزدى ەرەكشە باعالايمىن. ءسىزدىڭ شاكىرتتەرگە بەرگەن بىلىمىڭىزگە باعا جەتپەيدى»، - دەدى پرەزيدەنت. ودان ءارى بەيجىڭ ءتىل جانە مادەنيەت ۋنيۆەرسيتەتىنە ءابۋ ناسىر ءال-فارابيدىڭ پورترەتىن سىيلاپ، وسى وقۋ ورنىندا ءبىلىم الىپ جاتقان قازاقستاندىق ستۋدەنتتەرمەن جۇزدەستى.
سونىمەن قاتار مەملەكەت باسشىسى SINOPEC كومپانياسى ديرەكتورلار كەڭەسىنىڭ ءتوراعاسى ما يۋنشەندى،
YTO Express Co., Ltd كومپانياسىنىڭ باسقارما ءتوراعاسى يۋ حۋەي دزياونى، CITIC Group كومپانياسىنىڭ باسقارما ءتوراعاسى جۋ حەسيندى قابىلدادى.
ال CRRC Corporation Limited كومپانياسىنىڭ باسقارما ءتوراعاسى ءارى اتقارۋشى ديرەكتورى سۋن يۋنسايمەن اڭگىمە بارىسىندا «قازاقستان تەمىر جولى» كومپانياسىنىڭ قىتايدىڭ CRRC كومپانياسىمەن قۇنى 1,3 ميلليارد دوللار بولاتىن كەلىسىمگە قول قوياتىنى بەلگىلى بولدى.
ق ح ر مەملەكەتتىك كەڭەسىنىڭ پرەمەرى لي سيانمەن كەزدەسۋدە مەملەكەت باسشىسى قازاق- قىتاي قاتىناسى قارقىندى دامىپ جاتقانى تۋرالى اتاپ ءوتتى.
بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى جاۋ لەجيمەن اڭگىمە بارىسىندا عاسىرلار بويعى دوستىق پەن ءوزارا قولداۋدىڭ بەرىك ارقاۋىنا سۇيەنە وتىرىپ، قازاقستان مەن قىتاي ماڭگىلىك ءارى جان-جاقتى ستراتەگيالىق سەرىكتەستىك رۋحىندا تۇراقتى نىعايىپ كەلە جاتقان ۇلگىلى مەملەكەتارالىق ىنتىماقتاستىقتىڭ نەگىزىن قالاعانى ايتىلدى.
قازاقستان پرەزيدەنتى جوعارى دەڭگەيدەگى «ءبىر بەلدەۋ، ءبىر جول» باستاماسىنىڭ Ⅲ فورۋمىنا قاتىساتىن دەلەگاتسيا باسشىلارىنىڭ قۇرمەتىنە وراي ق ح ر ءتوراعاسى شي جينپيڭنىڭ اتىنان ۇيىمداستىرىلعان رەسمي قابىلداۋعا قاتىستى.
سونداي-اق ءمالىم ەتىلگەندەي، مەملەكەت باسشىسى جوعارى دەڭگەيدەگى «ءبىر بەلدەۋ، ءبىر جول» فورۋمىنىڭ اياسىندا بەيرەسمي جاعدايدا يندونەزيا پرەزيدەنتى دجوكو ۆيدودومەن، پاكىستان پرەمەر-ءمينيسترىنىڭ مىندەتىن اتقارۋشى انۆار- ۋل-حاك كاكارمەن، موڭعوليا پرەزيدەنتى ۋحنااگين حۋرەلسۋحپەن، وزبەكستان پرەزيدەنتى شاۆكات ميرزيەيەۆپەن، ماجارستان پرەمەر-ءمينيسترى ۆيكتور وربانمەن، تۇرىكمەنستان حالك ماسلاحاتىنىڭ ءتوراعاسى گۋربانگۋلى بەردىمۇحامەدوۆپەن جانە ب ۇ ۇ باس حاتشىسى انتونيۋ گۋتەرريشپەن جۇزدەستى.
ق. توقايەۆتىڭ ق ح ر-عا ساپارى شەڭبەرىندە جالپى قۇنى 16,54 ميلليارد دوللار بولاتىن 30 كوممەرتسيالىق قۇجاتقا، سونىڭ ىشىندە ينۆەستيتسيالىق، ساۋدا كەلىسىمدەرىنە، ءوندىرىس تەحنولوگياسىن بەرۋ، كرەديت جەلىسىن اشۋ جانە تاعى دا باسقا باعىتتاردى قامتيتىن كەلىسىمشارتتارعا قول قويىلدى.
18-قازاندا مەملەكەت باسشىسى قىتايدا «ءبىر بەلدەۋ، ءبىر جول» حالىقارالىق ىنتىماقتاستىعى III فورۋمىنىڭ اشىلۋ راسىمىنە قاتىستى. فورۋمدا قىتاي ءتوراعاسى شي جينپيڭ، رەسەي پرەزيدەنتى ۆلاديمير پۋتين، يندونەزيا پرەزيدەنتى دجوكو ۆيدودو، ارگەنتينا پرەزيدەنتى البەرتو فەرناندەس، ەفيوپيا پرەمەر-ءمينيسترى ابي احمەد، ب ۇ ۇ باس حاتشىسى انتونيۋ گۋتەرريش ءسوز سويلەدى. جالپى شاراعا 20 دان استام مەملەكەتتىڭ باسشىلارى جانە 130 دان اسا ەل مەن حالىقارالىق ۇيىمداردىڭ وكىلدەرى قاتىستى.
وسى كۇنى ق. توقايەۆ قىتايعا رەسمي ساپارى اياسىندا شىڭجاڭ- ۇيعىر اۆتونوميالىق اۋدانىنىڭ ورتالىعى ءۇرىمجى قالاسىنا باردى.
وندا ق ك پ و ك ساياسي بيۋروسىنىڭ مۇشەسى، شينجاڭ- ۇيعىر اۆتونوميالىق اۋدانى پارتيا كوميتەتىنىڭ حاتشىسى ما شيڭرۋيمەن كەزدەستى.
19-قازاندا ق ر پرەزيدەنتى استانادا باستالعان VI ازاماتتىق فورۋم قاتىسۋشىلارىنا ۇندەۋ جولداپ، قازاقستاندا جۇرگىزىلىپ جاتقان اۋقىمدى وزگەرىستەر قوعامدا جاڭا ەتيكا قالىپتاستىرۋدى تالاپ ەتەتىنىن اتاپ ءوتتى.
20-قازاندا ەلوردادا قاسىم-جومارت توقايەۆ ەلىمىزدىڭ گەولوگيا سالاسىنا ەڭبەك سىڭىرگەن ءبىر توپ قايراتكەرمەن – ق ر ۇ ع ا اكادەميگى سەرىكبەك داۋكەيەۆپەن، «مەريديان پەترولەۋم» ج ش س ديرەكتورى بالتابەك قۋاندىقوۆپەن، ق. ي. ساتبايەۆ اتىنداعى گەولوگيالىق عىلىمدار ينستيتۋتىنىڭ ديرەكتورى گەروي جولتايەۆپەن جانە «مينەرالدىق رەسۋرستار اكادەمياسى» قوعامدىق بىرلەستىگىنىڭ پرەزيدەنتى بولات ۇجكەنوۆپەن كەزدەستى.
21-قازاندا مەملەكەت باسشىسى عالىمجان قويگەلديەۆتى قازاقستان باس پروكۋرورىنىڭ ورىنباسارى لاۋازىمىنا تاعايىندادى.
سونداي-اق نۇرداۋلەت سۇيىندىكوۆ باس پروكۋراتۋرانىڭ اكتيۆتەردى قايتارۋ جونىندەگى كوميتەتىنىڭ ءتوراعاسى بولدى.
جالپى وسى اپتا ىشىندە بولعان كادرلىق تاعايىنداۋلاردى مىنا جەردە وقۋعا بولادى.
اۆتور
ميرا تولەندى قىزى