پرەزيدەنتكە قاراعاندى وبلىسىنداعى شاحتادا بولعان اپاتقا بايلانىستى كوڭىل ايتۋ جەدەلحاتتارى ءتۇسىپ جاتىر

قاسىم-جومارت توقايەۆقا تۇركيا پرەزيدەنتى رەجەپ تايپ ەردوعان قوڭىراۋ شالىپ، قاراعاندى وبلىسىنداعى كومىر شاحتاسىندا بولعان اپات سالدارىنان كوپتەگەن ادامنىڭ قازا تابۋىنا بايلانىستى مەملەكەت باسشىسىنا جانە بارشا قازاق حالقىنا قايعىرىپ كوڭىل ايتتى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.

اڭگىمەلەسۋ بارىسىندا ەكى ەل باسشىلارى 3- قاراشا كۇنى استانا قالاسىندا وتەتىن تۇركى مەملەكەتتەرى ۇيىمى X سامميتىنىڭ كۇن ءتارتىبىن تالقىلادى.

قاسىم-جومارت توقايەۆ رەجەپ تاييپ ەردوعاندى جانە بارشا تۇرىك حالقىن تۇركيا رەسپۋبليكاسىنىڭ 100 جىلدىق مەرەيتويىمەن قۇتتىقتادى.

تاجىكستان پرەزيدەنتى ەمومالي راحمون دا مەملەكەت باسشىسى قاسىم-جومارت توقايەۆپەن تەلەفون ارقىلى سويلەسىپ، قاراعاندىداعى كەن ورنىندا بولعان قايعىلى وقيعاعا بايلانىستى كوڭىل ايتتى.

سونداي-اق كوڭىل ايتۋ جەدەلحاتتارىن يران يسلام رەسپۋبليكاسىنىڭ پرەزيدەنتى يبراحيم رايسي، ب ا ءا پرەزيدەنتى شەيح مۇحاممەد بەن زايد ءال ناحايان، ءباا ۆيتسە- پرەزيدەنتى، پرەمەر- ءمينيسترى، دۋباي امىرلىگىنىڭ بيلەۋشىسى مۇحاممەد بەن راشيد ءال ماكتۋم، ب ا ءا ۆيتسە- پرەزيدەنتى، پرەزيدەنت اكىمشىلىگىنىڭ باسشىسى مانسۋر بەن زايد ءال ناحايان، ش ى ۇ باس حاتشىسى چجان مين، تۇركى مەملەكەتتەرى ۇيىمىنىڭ باس حاتشىسى كۋبانىچبەك ومىراليەۆ، ب ۇ ۇ ميگراتسيا جونىندەگى حالىقارالىق ۇيىمىنىڭ باس ديرەكتورى ەمي پوۋپ جانە باسقالار جولدادى.

ايتا كەتەيىك، 28- قازان ساعات 02:33 تە قاراعاندى وبلىسىنداعى كوستەنكو اتىنداعى شاحتادا اپات بولدى.