پرەزيدەنت وسى اپتادا يتاليا مەن ۆاتيكانعا رەسمي ساپارمەن بارادى
17:09, 15 - قاڭتار 2024
استانا. KAZINFORM - مەملەكەت باسشىسى 18-19-قاڭتار كۇندەرى يتاليا جانە ۆاتيكان مەملەكەتتەرىنە رەسمي ساپارمەن بارادى.
قاسىم-جومارت توقايەۆ ساپارىنىڭ العاشقى كۇنى ريم قالاسىندا يتاليا پرەزيدەنتى سەردجو ماتتارەللامەن، پرەمەر-مينيستر دجوردجا مەلونيمەن كەلىسسوزدەر جۇرگىزەدى.
سونىمەن قاتار پرەزيدەنت «قازاقستان- يتاليا» ينۆەستيتسيالىق دوڭگەلەك ۇستەلىنە قاتىسىپ، ءبىرقاتار ءىرى كومپانيا باسشىلارىمەن كەزدەسۋلەر وتكىزەدى دەپ جوسپارلانىپ وتىر.
مەملەكەت باسشىسى كەلەسى كۇنى ۆاتيكاندا ريم پاپاسى فرانسيسكپەن كەزدەسەدى.
بۇدان بولەك، پرەزيدەنت ب ۇ ۇ ازىق-تۇلىك جانە اۋىل شارۋاشىلىعى ۇيىمىنىڭ (FAO) جانە دۇنيەجۇزىلىك ازىق-تۇلىك باعدارلاماسىنىڭ (WFP) شتاب-پاتەرلەرىنە بارادى.