استانا. KAZINFORM - مەملەكەت باسشىسى ورتالىق رەفەرەندۋم كوميسسياسىنىڭ ءتوراعاسى نۇرلان ءابدىروۆتى قابىلدادى. بۇل تۋرالى اقوردا ءمالىم ەتتى.
- قاسىم-جومارت توقايەۆقا رەسپۋبليكالىق رەفەرەندۋمدى ۇيىمداستىرۋ جانە دايىندىق جۇمىستارى تۋرالى مالىمەت بەرىلدى. پرەزيدەنت رەفەرەندۋمدى وتكىزۋ بارىسىندا اشىقتىققا، زاڭدىلىققا جانە بارلىق ازاماتقا تەڭ جاعداي جاساۋ قاجەت ەكەنىنە باسا نازار اۋداردى، - دەلىنگەن حابارلامادا.
ەسكە سالا كەتەيىك، بۇعان دەيىن مەملەكەت باسشىسى Air Astana كومپانياسىنىڭ باس اتقارۋشى ديرەكتورىن قابىلداعانىن جازعان ەدىك.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.